Lëvizja Socialiste për Integrim ka zbuluar votën e saj për buxhetin e vitit 2018. Në fund të mbledhjes së grupit parlamentar, Petrit Vasili tha në një dalje për media se LSI do të votojë kundër këtij buxheti.
“LSI nuk e voton buxhetin e 2018, është me probleme madhore dhe rëndon qytetarët. Qeveria për herë të parë paraqitet si një qeveri e tepsisë e timonit, ku hyn në konflikte me Kushtetutën për taksat. Konstatohen fenomene skandaloze. E sfidoj qeverinë dhe pres këtu të më thotë qoftëdhe një investim të vetëm të huaj, e ardhmja është shumë e errët. Ka synimin te pastroje parate e pista”, tha Vasili. /b.d
