Kreu i grupit parlamentar të LSI Petrit Vasili ka sulmuar sërish Prokurorinë dhe këtë radhë se pse nuk heton inceneratorët.
Në një postim në facebook Vasili thotë se inceneratorët dënohen në gjykatën penale të Parisit se shkaktojnë kancer, por në Shqipëri sipas tij Prokuroria mbyll sytë e nuk heton.
“Po në Shqipëri kush ja mbyll sytë prokurorisë që ta hetoje,pse nuk vepron apo mijra shqiptare le të sëmuren e vdesin me kancer vetëm aferat e qeverisë të mos hetohen. Kjo është kriminale dhe antihumane”- shkruan Vasili.
POSTIMI I PLOTË:
Inceneratoret denohen ne gjykaten penale te Parisit se shkaktojne kancer, prokuroria mbyll syte ne Shqiperi.
Mbeturinat e inceneratoreve eshte provuar shkencerisht qe shkaktojne kancer te perhapur te gjendrave limfatike dhe te tjere.
Ky ka qene edhe shkaku se pse Europa ka bere kufizimin drastik te tyre.
Megjithse Europa ka mundesi kontrolli dhe monitorimi shume te rrepta qe s’kane asnje krahasim me kontrollin e korruptuar dhe jo profesional ne Shqiperine ,kufizimi i tyre ka qene drastik sepse rreziku i shkaktimit te kancerit eshte shume i larte.
Gjykata Penale e Parisit dënoi më 6 mars për herë të parë në Francë, bashkimin e kompanive Melunit për shkak të ndotjes ambjentale të shkaktuar nga inceneratori i përpunimit të mbetjeve.
Gjykata arsyetoi se inceneratori i përpunimit të mbetjeve shtëpiake i ndërtuar në Vaux Le Penil për “vënie në rrezik të jetës” për shkak të shkarkimeve toksike të dioksinave.
Në pesëmbëdhjetë vjet procedurë, rreth 165 banorë ngritën padi civile së bashku me fshatin Maincy, i cili rrethohej nga erërat mbizotëruese të objektit. Sipas paditësve, një duzinë banorësh kanë vdekur nga kanceri në vitet e fundit, duke përfshirë edhe “Lymphomën jo-Hodgkin”, e cila zhvillohet nga qelizat e sistemit limfatik, dhe një tjetër duzinë janë duke vuajtur po nga kanceri.
Po ne Shqiperi kush ja mbyll syte prokurorise qe ta hetoje,pse nuk vepron apo mijra shqiptare le te semuren e vdesin me kancer vetem aferat e qeverise te mos hetohen.
Kjo eshte kriminale dhe antihumane.
