Nënkryetari i LSI, Luan Rama ka reaguar pas deklaratës së kryeministrit Edi Rama se LSI ka bllokuar lejet e hipotekave. Sipas nënkryetarit të LSI, 80% e hipotekave janë në varësi të Ramës dhe ftoi qytetarët e Vorës që t’i drejtohen nesër hipotekës së Tiranës.
“Kryetari i rilindjes tha sot në Vore se janë 3 mijë familje që nuk kanë marrë dot hipotekat duke ia lënë fajin tepsisë. Hipotekat në Tiranë, Durrës, Vlorë, Elbasan dhe në 80% të qarqeve e kanë njerëzit e Rilindjes të emëruar nga Rama. I ftoj të 3 mijë familjet e Vorës që të paraqiten pranë hipotekës së Tiranës që të marrin aktet e pronësisë meqë tani e ka Rama gjithë pjesën e tepsisë”, tha Luan Rama
Luan Rama e quajti kryeministrin ‘kryetarin gjunjëkëputur të rilindjes’ dhe deklaroi se fjalimet e tij janë demagogjike. Nënkryetari i LSI, deklaroi se është e vërtetë që LSI pengoi miratimin e reformës në drejtësi siç mendonte Rama.
“Edi Rama na del se ka ndihmuar kryetarin e Bashkisë së Vorës dhe kjo tregon se ai ka bërë pazar. Kryetari gjunjëkëputur i rilidjes po bën mashtrim dhe demagogji. Po na del se rilindja paska bërë për këtë popull. Ka të drejtë kur thotë se nuk e lejuam ta bënte reformën siç dontë Rama, pasi synonte që ta kapte atë. Reforma në drejtësi u miratua me konsensus falë vendosmërisë së LSI dhe Ilir Metës. Edi Rama të mos marrë qytetarët për budallenj. Më 25 qershor qytetarët do ndëshkojnë këtë klloun të mashtrimit dhe është dita e vettingut politik për atë që mbushi parlamentin me kriminele dhe që u dha pushtet banditëve”, tha Luan Rama.
Luan Rama dënoi edhe deklaratën e Ramës për policinë, për të cilën kryeministri kërkoi ndjesë.
Luan Rama u shpreh se kryeministri e ka problemin në raportet me Rilindjen, pasi raportet me LSI i ka mbyllur përfundimisht.
/a.ç/javanews.al/
