Kandidatja e LSI, Kejdi Mehmetaj denoncon se Bashkia e Fierit po heq banerat e partisë së saj nëpër qytet.
Mehmetaj thekson se ka një kontratë mes institucionit dhe LSI, por akuzon Bashkinë se po e shkelet.
Për rastin në fjalë ka reaguar Ilir Meta i cili shprehet se për reklamat LSI nuk duhet të bëhet merak. Por sipas tij, nëse preket vota kandidatët e LSI duhet të mprehin sfurqet:
“U bëj thirrje kandidatëve të LSI në Fier të mos bien pre e provokimeve të Policisë Bashkiake për çështjen e banderolave dhe ta tejkalojnë me urtësi këtë moment. Ndërsa po u prek një votë ditën e votimeve t’i mprehin cfurqet, se si gratë trime të Libofshës do t’i ndjekim këmba këmbës horrat, nëse nuk kanë kuptuar gjë akoma” – thotë Presidenti i Republikës së Shqipërisë.
/JavaNews/a.r
