Si çdo vit edhe këtë verë Lëvizja Socialiste për Integrim ka mbledhur të rinjtë e forumit rinor edhe këtë vit në plazhin e Jalës.
Ky fenomen tashmë është bërë traditë në radhët e LSI-së, aq sa edhe kreu Ilir Meta deklaroi se do të kalonte pak kohë nga pushimet në këtë kamp.
Më parë të ftuar kanë qenë edhe ministrat Tahiri e Veliaj. Por kësaj radhe ftesat për kampin e PS duket se mungojnë.
ABC Neës e pyeti deputeten Monika Kryemadhi nëse kishte një ftesë për kryeministrin Rama. Ajo e mohoi këtë, por tha se të rinjtë e LRI mund të lidheshin me të nëpërmjet telefonit.
“Me thënë të drejtën nuk kemi bërë një ftesë zyrtare, sepse nuk mund të kushtëzojmë njerëzit në axhendat e tyre. Kjo nuk do të thotë se nuk mund të lidhemi me telefona. Gjëja kryesore sot është që njerëzit të flasin me njëri – tjetrin dhe t’i shohim ballë për ballë”, u shreh Kryemadhi.
