LSI mbledh Konvetën Kombëtare në Pallatin e Sportit “Asllan Rusi”
“Rama të ikë. Ky kryeministër që ne kemi nuk ndahet dot nga krimi, sepse është organizatori, frymëzuesi, pagatori dhe koordinuesi i krimit dhe kriminelëve. Jemi për ta ndalur sot kryeministrin, i cili ka vetëm një strategji jo vetëm që të çojë drogë në Europë por dhe të grabisë shqiptarët.
“Na kanë thirrur për tu bërë mburojë kundër banditëve e trafikantëve në qeveri e kudo. LSI do të jetë mburojë do i bëhemi barrierë, trafikantëve, timonierëve, tepsixhijve, kusigjinjve dhe të gjithëve atyre që u ka humbur timoni e patentat e krimit” deklaroi nënkryetari i LSI-së, Luan Rama”, tha Petrit Vasili
Konventa u hap nga zëvendëskryetari i LSI, Luan Rama, i cili vuri theksin te lufta ndaj krimit, trafikut korrupsionit qeveritar.
“Do u bëhemi barrierë trafikantëve, timonierëve, tepsixhinjve, kazanxhinjve, atyre që u kanë humbur patentat e krimit. Do jemi bashkë me qytetarët për ti thënë jo krim it, jo qeverisës që është në pushtetin e krimit dhe jo pushtet që është nën qeverisjen e krimit. Jemi sot këtu sëbashku jo thjesht dhe vetëm për të demonstruar forcën tonë, por për të konturuar rrugën e së sotmes, së të ardhshmes, në krye të lëvizjes shqiptare kundër krimit, dhe trafikantëve të drogës. Jemi sot këtu për të demonstruar vullnetin e shoqërisë shqiptare dhe për tua bërë mirë të qartë të gjithëve; nuk ka imunitet, nuk ka votë të vjedhur në Parlament që të ndalë drejtësinë. LSI-ja nuk është vetëm dimensioni qytetar i opozitës, nuk është vetëm zëri që artikulon qartë në opozitë interesin e shqiptarëve, por është shpirti dhe zemra e rezistencës së shqiptarëve përballë të keqes.”, tha Luan Rama.
a.ç
