Zëvendëskryetari i LSI-së Luan Rama ka folur për herë të parë nga Jala për çështjen e rishikimit të kufijve mes Kosovës dhe Serbisë.
Sipas Ramës, kufijtë e Kosovës nuk janë çështje negociatash por janë kufij gjaku të vendosur me luftë.
“Kufijtë e Kosovës nuk janë çështje negociatash individuale dhe as çështje negociatash bilateral. Kufijtë e Kosovës janë kufij gjaku, janë kufij zemrash, të cilat nuk mund t’i nxjerrë në tregun politik askush, cilido qoftë ai. Askush nuk mund t’i tjetërsojë, t’i ndryshojë, apo t’i trafikojë kufijtë e Kosovës dhe lirinë e Kosovës! Çështja e kufijve të Kosovës është çështje ndërkombëtare dhe gjeopolitike!”
Rreth një vit më parë deputetit të LSI-së, i është akorduar certefikata “Veteran Luftëtar i Ushtrisë Çlirimtare të Kosovës”.
a.ç
