Kuvendi do të zhvillojë ditën e sotme seancën e radhës. Seanca do të nisë në orën 10:00 dhe në rendin e ditës është parashikuar caktimi i përbërjes së komisioneve të përhershme parlamentare, që u shty në seanca maratonë e së kaluarës.
Lëvizja Socialiste për Integrim ka dorëzuar propozimet e saj për të pasur përfaqësues në Komisionet Parlamentare. LSI ka dorëzuar emrat e 3 deputetëve të saj Petrit Vasili, Erisa Xhixho dhe Agron Çela, që të jenë pjesë të Komisioneve.
Deputeti Agron Çela kërkon të jetë anëtar i Komisionit të Sigurinë Kombëtare, ndërsa Erisa Xhixho kërkon të jetë anëtare e Komisionit të Ligjeve, anëtare e Komisionit të Integrimi dhe zëvendësuese pranë Komisionit të Medias.
Më herët Kuvendi ka miratuar edhe drejtuesit e Komisioneve të Përhershme Parlamentare, ku 3 i takojnë PD-së dhe 5 PS-së.
Drejtuesit e Komisioneve të Përhershme Parlamentare
-Nasip Naço kreu i Komisionit të Sigurisë (PS)
-Mimi Kodheli kryetare e Komisionit të Jashtëm (PS)
-Eduard Shalsi, kryetar i Komisionit të Ekonomisë (PS)
-Arben Pëllumbi, kryetar i Komisionit të Veprimtarisë Prodhuese (PS)
-Klotilda Bushka kryetare e Komisionit për çështjet ligjore (PS)
-Jorida Tabaku, kryetare e Komisionit për Integrimin Europian (PD)
-Albana Vokshi, kryetare e Komisionit për Shëndetësinë (PD)
-Agron Gjekmarkaj, kryetar i Komisionit për Edukimin dhe Median (PD)
Rendi i ditës
g.kosovari
