Lëvizja Socialiste për Integrim ka reaguar sërish ditën e sotme për akuzat e bëra nga Partia Demokratike se Ilir Meta është i përfshirë në një aferë korruptive me CEZ. Në një dalje për mediat, Drejtori i Kabinetit të zotit Meta, Sokol Dervishaj ka hedhur poshtë këto akuza të opozitës duke i cilësuar aspak të vërteta.
Duke sqaruar opinionin publik, Dervishaj tha se në akuzat që janë bërë nga PD dhe dokumetet që kjo forcë politike paraqet si prova, nuk përmendet aspak emri i Metës. Madje sipas tij e kundërta është e vërtetë, që në këtë aferë janë të përfshirë zyrtarë të PD dhe vetë Berisha.
“Më dua të sqaroj disa të vërteta sa i takon akuzave të bëra këto ditë nga PD ndaj zotit Ilir Mta. Rezulton qartësish se palët e përfshira në këtë aferë janë prezantuar nga ish-ambasasdori i Berishës dhe aspak nga zoti Meta. Kanë diskutuar mbi kushtet dhe Berisha ka pasur njohje të hershme me zyrtarët në fjalë. Se kush janë këtë zyrtarë PD e ka shumë të qartë se i ka emëruar vetë. Mbi çësthtjen e arbirtrazhit emri i zotit Meta nuk përmendet në asnjë rresht. Më duhet të sqaroj se marërveshja është lidhur me 1 Shtator 2013 kur Meta ka apsur funksione të tjera. Diversion pa bazë për sa spekulohet në disa shkrime të publikuara në disa media. ERE uli çmimin duke dëmtuar rëndë financat e CEZ.” tha ai
Sipas tij në kohët kur është nënshkruar marrëveshja, Meta ka pasur detyrë tjetër, atë të Ministrit të Jashtëm. Dervishaj nënvizoi se me këto akuza, PD nuk bën gjë tjetër veçse nxjerr në pah aferat e bëra nga selia blu dhe Berisha gjatë qeverisjes. Në këtë kuadër, LSI i ka bërë thirrje që provat që ato pretendojnë që kanë t’i dërgojnë në Prokurori dhe të lënë mënjanë baltosjen e pabazë.
“Gjatë periudhës së pretenduar Meta ka vizituar Pragën dy herë me ftesë të Partisë Socialiste Evropiane dhe nuk ka qenë vetëm z. Meta. Dhe ka zhvilluar një takim me Ministrin e Jashtëm çek. Gjithashtu Meta ka vizituar edhe me 1 dhjetor ku ka zhvilluar një takim me Minsrin e Ekonomisë dhe një vizitë në CEZ. Pretendimet e PD-së nuk bëjnë asgjë më shumë se sa vetë akuzojnë kryeministrin e PD-së. Mesa duket është një përpjekje për të goditur kolegët e tyre. Zyrtar të PD-së kanë bërë të mundur këtë aferë të madhe. I bëj thirrje PD të respektojë rregullat e lojës tu referohet fakteve dhe akteve.” u shpreh Dervishaj
