Ambasadorja e SHBA, Yuri Kim ka zhvilluar takim me Komisionin e Pavarur të Kualifikimit duke i falenderuar që vazhduan punën me presion e sfida, pavarësisht pandemisë së koronavirusit.
Me anë të një postimi në Twitter, Kim thotë se ShBA insiston në pavarësinë dhe integritetin e KPK për hir të drejtësisë në vendin tonë.
Lidhur me këtë deklaratë, ish-ministri i Drejtësisë Ylli Manjani shprehet i befasuar dhe pyet se cila administratë në SHBA mbështet KPK në Tiranë?!
Postimi i plote i Manjanit:
…SHBA mbështet fuqimisht dhe insiston në pavarësinë dhe integritetin e KPK për hir të drejtësisë në Shqipëri”, shkruan, ndër të tjera zonja Kim në Twitter.
********
Jam kurioz cila administradë në SHBA mbështet KPK në Tiranë?! Ajo që po paketon valixhet apo ajo që po bëhet gati të vijë?!
Kurioziteti më shtohet se kush në Washington po le mendtë për KPK?!
Që të mbështetet në parim vetting si proçes, edhe mund ta kuptoj, por që washintoni po lë mendtë për KPK si vështirë ta besoj.
Po anëtarët e KPK që janë nën hetim se kanë fallsifikuar dokumentat për të fituar vendin që mbajnë, i mbështet Washingtoni?! Nuk mund ta besoj këtë gjë!!!
Po trajtimet me standarde dyfish, me të cilat kjo KPK ka trajtuar raste i mbështet Washingtoni?!
Për hir të cilës drejtësi u dashka shtrembëruar çdo standard perëndimor gjykimi e vlerësimi?!
A do të guxonte zonja Kim dhe ai/ajo dikushi në Washington të prezantonte atje këtë standardin e KPK-së këtu, si model të drejtësisë?!
Apo Shqipëri hesapi. Fol, fol se diçka do mbetet!
Mesa shoh asgjë nga këto fjalë koti, nuk mbeten. Harrohen brenda ditësi.
