Drejtuesja politike e LSI-së në Durrës, Elona Guri i është përgjigjur sulmeve që i bëri nën-kryetarja e Partisë Demokratike, Grida Duma ditën e sotme, e cila i bëri thirrje demokratëve që të mos votonin për LSI-në.
“Nuk janë palë ende, do të ishin po të ishin parti politike. Zhvillimet tanishme, zhvillime të absurdit. LSI bën koalicion me një grup njerëzish. Spekulimet e tjera, janë ngërçe, kapak pusete. Si të mbulojmë ta palarat. Nuk kam gjë me LSI-në. Është një parti në situatën e saj që përpiqet të maksimizojë. Votuesi i PD-së të mos shkojë tek asnjë parti tjetër. Nuk ka nisur sot, ka gjithmonë momente të intrigës politike. Kur vjen nga kundërshtari është e mirëkuptueshme.Nuk janë kundërshtarë ata që janë tek Foltorja. Unë nuk do t’i quaj kurrë kundërshtarë. Unë as dua ta pranoj që votuesi i PD-së do votojë logon e LSI-së. Askush s’do duhet të votojë, votuesi i PD-së, logon e LSI-së. Qofshin të gjitha bashkë. Një parti e madhe të shkojë ta çojë votuesin tek një parti e vogël për një çështje personale është një gjë që nuk pranohet. Demokratët nuk duhet ta bëjnë”, u shpreh nënkryetarja e PD-së,” tha Duma në një intervistë ditën e sotme.
Elona Guri e quan këtë deklaratë të Dumës një diversion politik, duke theksuar se LSI nuk ka nevojë për votuesit e tjerë pasi ka votuesit e saj.
Teksa i tha me ironi se ka zëvendësuar Gazment Bardhin ditën e sotme, Elona Guri më tej e sfidon Grida Dumën në zgjedhjet e pjesshme lokale të 6 marsit duke i thënë: “Shihemi me 7 mars!”
Guri gjithashtu hedh akuza të forta për Lulzim Bashën dhe njerëzit afër tij, një ndër ta Grida Duma, për të cilët thotë se kane zaptuar PD-ne me ndihmen e Policise se Rames, si dhe shesin dhe blejnë votat e mijera votuesve.
Deklarata e plotë
Sot, Grida në panik duke e parandjerë rezultatin e 6 marsit sulmoi LSI duke zëvendësuar Gazin në rolin e tij të përditshëm. Grida, për t’i ardhur në ndihmë Lulit, aleatit më besnik të Ramës dhe Rilindjes, bëri një diversion të pamoralshëm për votuesit dhe anëtarët e PD-së duke përdorur si tabelë Lëvizjen Socialiste për Integrim.
LSI ka elektoratin e saj, kauzat e saj, qëndrimet pa kompromis të cilat nuk i ka shkelur për asnjë pazar porti apo plehrash. LSI ka busull në orientimin e saj, integrimin evropian të vendit. LSI i ka kushtuar të gjithë vëmendjen e saj ndalimit të shpopullimit dhe ikjes së Rinisë nga Shqipëria. LSI ka luftuar pa kompromis kundër aferave korruptive të qeverisë së Rilindjes.
LSI as nuk shitet, as nuk blihet. Se kush shet e kush blen votat e qindra mijëra votuesve, sakrificat dhe përkushtimin e tyre dihet tashmë qartë, që është kupola që ka zaptuar PD-në me ndihmën e policisë edhe shtetit të Rilindjes.
Tradhëtuat votuesit e Opozitës në 2017-ën. I ritradhëtuat në 2019-ën duke i nxjerrë në treg në vitin 2021. Tradhëtia dhe tregtia me moralin dhe sakrificat e të tjerëve janë të vetmet karakteristika që iu bashkojnë. Takohemi më 7 Mars!/m.j
