Kreu i grupit parlamentar të LSI tha sot në një konferencë për shtyp se për komisionein ad-goc të Vettingut me 6 anëtarë, partia e tij ka propozuar emrat Luan Rama, Silva Cako dhe Vangjel Tavo.
Pas prononcimit të tij të shkurtër, Luan Rama iu përgjigj interesit të gazetarëve në lidhje me firmosjen e koalicionit LSI-PS. Ai la të nënkuptohet se kushti i LSI për vijimin e koalicionit ëhstë dialogu me opozitën dhe zgjidhja e ngërçit. Rama përsëriti disa herë se zgjedhjet janë të parat, raporton JavaNews.
“Ju i numëroni mbrapsht, unë i numëroj parç orët. Problemi i madh në këtë vend janë zgjedhjet dhe detyrimi i madh që ka klasa politike dhe në veçanti mazhoranca, është dialogu me opozitën dhe përfshirja e saj në zgjedhje si kusht jetik dhe vlerë e një shoqërie te pjekur. Politika duhet t’i largohet marrëzisë dhe t’i thërrasi arsyes për të realizuar zgjedhje të lira dhe të ndershme ku qytetarët të kenë mundësi të zgjedhin dhe jo vetëm të votojnë” – tha kreu i grupit të LSI.
I pyetur për thirrje e ministrit gjerman Sigmar Gabriel, Luan Rama tha se qëndrimet e ndërkombëtarëve janë të dobishme kur janë të paanshme. Sipas tij, problemi i krijuar në vend lidhet me papërgjegjshmërinë e politikës vendas, shkruan JavaNews. Luan Rama tha se deklaratat e të huajve nuk bëjnë punë kur ato janë të njëanëshme.
“Zgjidhja duhet të vijë nga vetëdija e politikanëve. Mjaft kosto kanë krijuar për qytetarët dhe integrimin marrëzitë politike. Mos prisni t’ju them se interesi i koalicionit është më i rëndësishëm sesa ai i Shqipërisë” – tha Luan Rama.
Ai nuk komentoi emrin e Presidentit të ri duke thënë se nuk ka një qëndrim tjetër përveç atij të Ilir Metës pas takimit me Ramën. /javanews/b.d
