Pas hapjes së aplikimeve për Lotarinë, Ambasada Amerikane ka publikuar disa këshilla sesi të mos biem pre e mashtrimeve.
Ambasada thekson se për t’u regjistruar në programin “DV 2018” për lotarinë duket përdorur vetëm faqja zyrtare www.dvlottery.state.gov ndërsa aplikimi mbyllet në 7 Nëntor 2016 në orën 18:00 me orën lokale në Shqipëri.
Aplikuesit duhet të kenë kujdes nga mesazhe në e-mailin e tyre që tregojnë se jeni shpallur fitues dhe duhet të paguani një shumë parash për të nisur procedurat.
Shikoni vetëm informacionet për vizë që në fund të faqes së internetit kanë “.gov”. Çdo informacion tjetër, që vjen nga një adresë që nuk përfundon me “.gov” është e dyshuar.
Nuk duhet të mashtroheni nga imazhet e flamurit të Shteteve të Bashkuara të Amerikës, Shtëpisë së Bardhë apo Statujës së Lirisë.
Nuk ka asnjë tarifë për të hyrë në programin e “DV 2018”. Tarifat për procesin e aplikimit i paguhen Ambasadës Amerikane në momentin e intervistës kur ju shpalleni fitues.
Aplikantët e lotarisë duhet të kontrollojnë statusin e tyre në internet në adresën www.dvlottery.state.gov.
Qeveria e Shteteve të Bashkuara mund të dërgojë një e-mail kujtesë, por nuk ju dërgon në postën tuaj elektronike nëse jeni shpallur fitues apo jo.
Për të mësuar nëse jeni fitues ose jo të lotarisë amerikane duhet të klikoni në adresën www.dvlottery.state.gov.
shqiptarja.com/d.i.
