Regjisori i ndjerë Gjergj Xhuvani u nda nga jeta ditën e djeshme në moshën 56-vjeçare.
Ai mbylli sytë përgjithmonë në Romë, vend në të cilin kishte shkuar për të montuar filmin e tij të fundit.
Regjisori i dhuroi publikut shqiptar momente të paharrueshme kinematografike në të dyja epokat, edhe pse siç kolegët rrëfejnë, kulmin e arriti pas viteve ’90. Qe i parë që me “Parullat” e Ylljet Aliçkës bëri të mundur që filmi shqiptarë të prekte një skenë të madhe ndërkombëtare, si ajo e Festivalit të Kanës.
Kolegë e miq, të tronditur nga ndarja e parakohshme nga jeta e njeriut dhe kineastit të madh, e kujtojnë Gjergjin përmes veprave të tij dhe fragmenteve jetësore.
Ata kanë shprehur trishtimin e dhimbjen edhe përmes rrjeteve sociale për largimin nga jetë të tij në moshë 56-vjeçare.
Një nga mesazhet më prekës është ai i aktorit Melvlan Shanaj i cili shkruan për vdekjen e mikut të tij se dhimbja po e mbyt kaq nga që ike aq herët.
