I ftuar në Klan News, mbrëmjen e sotme, për të folur rreth aktualitetit politik në Shqipëri lidhur me ngjarjet e fundit, ishte analisti Lorenc Vangjeli.
Vangjeli komentoi dënimin e ish-ministrit Saimir Tahiri, teksa u shpreh se qoftë edhe 1 ditë e vetme burg për një politikan, është ndëshkim pasi përmban fajësi morale, politike dhe penale.
I pyetur nëse Rama ka të bëj me rastin e Tahirit, Vangjeli u përgjigj se kryeministri nuk ka pasur dhe nuk ka asnjë lloj interesi. Sakaq, ai u shpreh se ‘Saimir Tahirit i ulërinin hormonet e moshës, por i kërkonin të bënte kriminelët të ulërinin.’
“Për një politikan edhe 1 ditë e vetme në burg është ndëshkim, sepse ka fajësi morale, politike dhe penale. Nëse për një qytetar te thejshte duhet një prove, në politikë edhe perceptimi shumë shpesh është prove. Tahiri është shpallur prej kohësh fajtor. Emri i tij është i lidhur me atë që e quani kanabizimi i vendit dhe tashmë ky korelacion është krijuar dhe ai e ka marrë këtë lloj fajësie. Ai është larguar nga forca që përfaqësonte edhe forca është larguar nga ai. Kur hapet dera e qelisë për 1 ditë 1 muaj apo 1 vit, këta flasin dhe duket se operojnë për së gjalli në mishin e tjetrit, por a di cfarë vetmie ka në ato 4 muret? Sa e largët duket ajo ditë kur je jashtë? Të gjithë këto lepurushat kanë filluar të bëjnë prova e të përdorin vetëm shampo të lëngshme. Këtu në tiranë ka vetëm një rradhë, që presin ‘Kujt do t’i vijë radha’. Ka shumë lepurusha që janë hequr si padron në këtë vend. Përsa i përket Ramës nuk ka gisht dhe nuk ka pasur interes. E vetmja gjë ishte se një nga personat më të afërt të tij u dënua. Mirëpo, Saimir Tahirit i ulërinin hormonet e moshës, por i kërkonin të bënte kriminelët të ulërinin. Pra, ishte vetëm 30 vjec,”- u shpreh Vangjeli.
Sa i përket Presidentit Meta, analisti tha se këtu ka një keqkuptim të madh dhe se Rama është personi më i pa interesuar për të shkarkuar Metën, ndërsa Meta mezi pret të bëj atë që di të bëj më mirë, politikanin.
“Varet nga këndvështrimi. Kam përshtypjen se ka një keqkuptim të madh. Personi më i pa interesuar për të shkarkuar Ilir Metën është Edi Rama. Nga ana tjetër, Ilir Meta mezi pret të vij java e 3-të e korrikut. Ai mezi po pret të bëj atë që di të bëj më mire, të jetë në rrugë të bëj politikanin,”- tha ndër të tjera Vangjeli.
I pyetur nëse do ta dëmtonte shkarkimi Metën, Vangjeli tha se Meta është ende shumë i ri për të bërë hesape të tilla.
“Ilir Meta është ende shumë i ri për të bërë hesape të tilla. Sot për sot në tiranë është vetem një person që I bën këto llogari, dhe ai është zoti Sali Berisha. Politikanët tanë nuk e mendojnë faktin që në këtë dynja është vetëm dicka e përjetshme që është perkohshmërija,”- u shpreh Vangjeli.
/b.h
