Policia ka zbuluar informacione të reja për vrasjen në Fier, ku 56-vjeçari Petrit Memaj, për motive banale ka vrarë me thikën e bukës bashkëshorten e tij, Valdete Memaj.
Edhe pse ngjarja në fillim u raportua si vetëvrasje, në trupin e gruas është konstatuar një plagë në shpinë dhe disa shenja në pjesë të tjera të trupit.
Uniformat blu u informuan nga Petrit Memaj, vëllai polic i autorit.
Pas grumbullimit të provave është thërritur për të dhënë dëshminë e tij para hetuesve edhe i shoqi i gruas. Pas disa orë marrjesh në pyetje, ai ka pranuar se e ka vrarë ai të shoqen, duke shtuar më tej se dyshonte se e shoqja e tradhtonte, ndaj për këtë arsye ka kryer aktin e rëndë.
Sipas fqinjëve, çifti nuk ka pasur probleme, ndërsa një ditë më parë është larguar nga banesa drejt Gjermanisë djali i tyre. Mësohet se viktima punonte shitëse në një dyqan në qytetin e Fierit, ndërsa bashkëshorti i saj ishte punonjës në shërbimet komunale./m.j
