Në “Klan News” u fol për akuzat ndaj Lulzim Bashës, se PD u financua me para ruse në vitin 2017.
Sipas analistit Lorenc Vangjeli, Basha në këtë rast është “fatëkeq”.
“Ky është rasti klasik që i marri e gjen vetë mënyrën si të pengohet.
Zoti Basha ishte në momentin kur as lëshonte dhe as shtrëngonte, nuk kishte vendosur a do të hynte në zgjedhje. Pati dy udhëtime në Washington, në njërin bëri fotografi me Trump. Për këtë kishte paguar.
Ka të dhëna që shifra shkon deri në një milion. Nga të cilat vetëm 25 mijë dollarë janë çuar në rrugë të ligjshme.
Nëse do të kishim mundësi do ti çonin direkt nga një bankë në Tiranë, në llogarinë e zotit Muzin.
Në letra PD, e varur nga grantet që jep shteti dhe kuotat e anëtërësisë është e varfër. Partitë këtu janë fakire fare. Por në të vërtetë janë subjekte luksi, partitë dhe politikanët.
500 mijë dollarë apo 1 milionë dollarë, nuk kushtojnë më shumë se një mesazh në celular, për një politikan si Basha, që ishte kandidati për kryeministër. 500 mijë dollarë është shumë e madhe në SHBA, në Londër, etj.
Në Shqipëri qeshin, është shumë e thjeshtë.
I vetmi problem i Bashës, nuk ishte të gjente para por si ti dërgonte.
Këtu fati ndëshkon të dobëtin”, tha Vangjeli sot për Klan News.
