“London Bridge is down”. Kjo ishte fraza e koduar e thënë nga Pallati Buckingham për të dhënë njoftimin e trishtë të ndarjes nga jeta të Mbretëreshës Elizabeth II. Nga ky moment nisi zbatimi i operacionit të quajtur “London Bridge”, një procedurë e përpiktë, e përpiluar fillimisht në vitin 1960 dhe përditësuar vit pas viti, që përfundon vetëm me funeralin shtetëror, pas 10 ditëve të zisë kombëtare.
Sekretarja private e sundimtares më jetëgjatë të Britanisë së Madhe do të përdorë një linjë të sigurtë telefonike për të njoftuar drejtuesit më të lartë të shtetit, me të parën kryeministren Liz Truss, dhe me pas ministrat, ndërsa Qendrës së Reagimit Global të Ministrisë së Jashtme i takoi detyra të informojë katërmbëdhjetë qeveritë që njohin Mbretëreshën si Kryetare të Shtetit dhe më pas të bëjnë të njëjtën gjë me 36 vendet e tjera të Commonwealth-it.
Menjëherë pas frazës së koduar alarmet janë fikur, televizionet dhe radiot ndryshuan rrjedhën e transmetimeve për të dhënë lajmin e trishtë, ndërsa të gjithë britanikët janë dërguar për në banesat e tyre në zi, Parlamenti ka ndërprerë punimet në një afat të pacaktuar.
Por, ndarja nga jeta e Mbretëreshës Elizabeth II erdhi nga Skocia, zhvillim i cili është parashikuar nga Pallati Buckingham, që ka aktivizuar dhe një operacion tjetër të koduar “Unicorn”. Detajet e këtij plani u raportuan për herë të parë për publikun në vitin 2019.
Në ditën e parë të zbatimit të dy protokollëve, Këshilli i Aderimit do të mblidhet në Pallatin e St. James për shpalljen e Mbretit të ri, Charles III, emri i të cilit do të lexohet në publik nga një ballkon. Mbreti i ri do të ketë një audiencë me kryeministren, kabinetin, liderin e opozitës, kryepeshkopin e Canterbury dhe dekanin e Westminister. Në të njëjtën kohë, homazhe do të mbahen në Parlament.
Në ditën e dytë, arkivoli do të niset nga Balmoral për në pallatin Holyroodhouse. Do të ketë shpallje në Edinburg, Kardif dhe Belfast, ndërsa homazhe do të mbahen në Parlamentin skocez.
Në ditën e tretë do të mbahet një procesion ceremonial në katedralen e Shën Giles, ku marrin pjesë anëtarët e familjes mbretërore. Pasj këtij eventi, katedralja do të jetë e hapur për publikun për 24 orë. Mbreti Charles III do të udhëtojë për në Pallatin Westminister për të pranuar ngushëllime dhe më pas do të udhëtojë për në Edinburg. Do të takohet me kryeministren e Skocisë dhe pranojë ngushëllime në Parlamentin e këtij vendi.
Në ditën e katërt do të jetë zhvendosja e arkivolit të Mbretëreshës Elizabeth II nga Edinburgu për në Londër. Gjithashtu, edhe disa evente përkujtimore dhe homazhesh.
Në ditën e pestë do të bëhet një provë për procesionin e arkivolit të Mbretëreshës së ndjerë nga Pallati Buckingham në Sallën Westminster.
Në ditën e gjashtë dhe të shtatë, Mbreti Charles III do të udhëtojë për në Uells për të marrë pjesë në shërbesa fetare, marrë ngushëllime në Parlament dhe të takohet me kryeministrin e Uellsit.
Në ditën e tetë, Mbreti Charles III do të presë guvernatorët e përgjithshëm dhe kryeministrat nga vendet e Comonwealth-it.
Në ditën e 9 të zbatimit të planit “London Bridge”, Mbreti Charles III do të presë familjet e huaja mbretërore dhe të ftuarit e rëndësishëm nga jashtë Britanisë së Madhe, që do të marrin pjesë në funeralin e Mbretëreshës Elizabeth II.
Në ditën e fundit, atë të dhjetë, do të mbahet funeral shtetëror në Westminister Abbey. Do të ketë dy minuta heshtje në të gjithë vendin. Pas shërbimit njëorësh, një procesion i madh ceremonial do të shoqërojë arkivolin në Hyde Park, ku do të transferohet nga karroca e armëve në automjetin shtetëror dhe do të udhëtojë për në Windsor. Pas një procesioni nëpër Windsor, një shërbim do të mbahet në kishën St. George. Më pas, Mbretëresha do të përcillet për në banesën e fundit në Westminster Abbey, ku do të prehet përgjithmonë.
/a.r
