Një shqiptar në Angli shenjat e gishtërinjve ishin të njëjtat me një të kërkuari nga drejtësia nuk mund të ekstradohet nga Anglia. Ky ka qënë vendimi Gjykatës së Lartë britanike për të ndaluarin 34 vjecar Aleks Kola.
Ai do të ndalohej për rrahjen e një personi në Korrik 2013 por në momentin e marrjes së shenjave të gishtërinjeve, dhe krahasimi me bankën e të dhënave të Interpolit, rezultoi të ngjashme me ato të Lekë Prendit i cili ishte dënuar për vrasje nga një gjykatë shqiptare.
Kola ngriti pretendimin se policia kishte bërë ngatërresë në identifikimin e tij por fillimisht gjykata e Londrës i dha dritën jeshile ekstradimit në Shqipëri.
Avokatët e Kolës e cuan cështjen në Gjykatën e Lartë e cila vendosi ta bllokojë ekstradimin pasi dosja e Interpolit kishte gabime dhe se nuk ishte e sigurtë nëse personi i ndaluar ishte ai që kërkohej prej drejtësisë shqiptare.
Prendi është dënuar me 21 vite burg pas vrasjes së një prifti gjatë një grabitje me armë në vitin 2000.
Në vendimin e kësaj cështje gjykatësi britanik thotë:.
“Qeveria shqiptare nuk na ka provuar se zoti Kola është Lelë Prendi”.
Shqiptari i ndaluar do të vijojë edhe për disa javë të mbahet në burg deri sa të vendoset nëse Shteti shqiptar që kërkon ekstradimin e tij ta apelojë apo jo në Gjykatën Supreme vendimin e dhënë nga Gjykata e Lartë.
