Rastet e infektimit prej koronavirus të ri (Covid-19) në Itali vazhdojnë të rriten.
Sipas ‘Corriere della Sera’, pas së premtes, në të cilën 15 persona u konstatuan të infektuar në Lombardi dhe dy në Veneto, sot numri i pacientëve të infektuar u rrit në 36 në Lombardi dhe 9 në Veneto.
Masat kufizuese si ato të vendosura për 10 Komuna “në rrezik” në zonën e Lodi janë miratuar gjithashtu në Vo ‘Euganeo dhe Teolo, në rajonin e Veneto.
Pacienti më serioz në Lombardi mbetet 38-vjeçari i cili u shtrua në spital në Codogno. Gjendja e tij aktualisht është e qëndrueshme dhe ai është transferuar në spitalin San Matteo në Pavia. Ende nuk ka siguri se kush është “pacienti zero”.
Në Itali janë shënuar sot dy viktimat e parë nga virusi kinez. Viktimat janë një 78-vjeçar i cili po trajtohej në spitalin e Padova-s nga patologji të mëherëshme dhe që ishte infektuar rreth 15 ditë më parë, dhe një grua nga Veneto, rezidente në Lombardi. /e.s/
