Një pub në Australi ka mirëpritur nënat që iu japin gji fëmijëve, duke iu kundërpërgjigjur një lokali tjetër që i kishte paralajmëruar ato “mbulohuni apo ikni”.
The Royal Hotel Gympie në Queensland ofron edhe një filxhan çaj falas për nënat që kanë nevojë për një vend ku të pushojnë e të ushqejnë fëmijët.
“Nëna që ushqeni me gji, urdhëroni e pini një çaj falas nëse keni nevojë për një ndalesë. Nuk jeni të detyruara të porositni asgjë, thjesht çlodhuni”, thuhet në njoftimin jashtë lokalit.
Një foto u publikua edhe në Facebook, me mesazhin “ju ofrojmë një tas falas, pa asnjë detyrim. Nuk jeni absolutisht të detyruara të porositni ushqim. Thjesht hyni, lini plaçkat në kolltuk dhe ushqeni fëmijën në komfortin e ajrit të kondicionuar”.
E njëjta ofertë vlen edhe për prindërit që ushqejnë fëmijët me shishe me biberon, duke vënë në dukje edhe ambientet për ndërrimin e pelenave.
Ushqyerja e fëmijëve me gji, një nga aktet më të natyrshëm, shihet shpesh si tabu në vendet publike, ku mjaft duan ta shmangin.
