Teksa procesi i votimit ka nisur prej disa minutash, drejt kutisë së votimit është drejtuar, kreu i Kuvendit Gramoz Ruçi.
Kryeparlamentari ka shprehur vullnetin e tij në qendrën e votimit, tek ‘Liceu Artistik’. Në një prononcim për gazetarët, Ruçi u shpreh se sot nuk duhen të bëhen analiza por, të bëhet thirrje për qetësi.
“Siç e patë unë votova. Besoj se subjeket politike ishin 30 dhe kandidatë ishin vetëm 2. Do doja të ishin më shumë, megjithatë sot nuk është dita që të analizojmë këtë cështje, sot është dita të bëjmë apel, për qetësi, pjesëmarrja kush të dojë të marrë pjesë. Të matur se duhet respektuar edhe ai që voton edhe ai që nuk veton. Vendosmëri për të vazhuar reformat”, tha Ruçi.
I pyetur se çfarë do të ndodhë nesër, kreu i Kuvendit u shpreh se nesër duhet të bëjnë analizë edhe ata qe nuk morën pjesë, por edhe mazhoranca duhet të bëjë analizat e saj dhe të mos dalë si fitimtare.
“Nesër ne do të vazhdojmë një ditë normale. Nuk do të mbarojë më këto zgjedhje. Ne do të vazhojmë përpjekjet që klasa politike, qysh ditën e hënë, edhe ata që nuk morën pjesë duhet të bëjnë analizën e tyre, as mazhoranca nuk duhet ta cilësojë veten si fitimtarë, por duhet të anlizojë”, tha kryeparalmentari.
Me vendosmëri, Ruçi i përmbulli fajlën:” Nuk ka burrë nëne që të vendosë diktaturën në Shqipëri”./l.m
