Kombëtarja franceze vazhdon të ketë mungesa në përgatitjet për finalen e madhe të Botërorit.
Një virus gripi ka lënë jashtë stërvitjes qendërmbrojtësit francezë Raphael Varane dhe Konate.
Ekipi mjekësor nuk ka dhënë informacion të mëtejshëm për virusin, por thotë se lojtarët e prekur mbeten të izoluar.
Në gjysmëfinalen kundër Marokut në të cilën francezët fituan 2-0, Rabiot dhe Upamecano u lanë jashtë formacionit edhe për shkak të kësaj sëmundjeje.
Ndërkohë, Argjentina nuk ka të sëmurë dhe po vazhdon përgatitjet për finalen e së dielës, në të cilën të dyja skuadrat do të luajnë për Kupën e Botës.
Franca dëshiron të bëhet skuadra e parë që fiton dy herë radhazi këtë kampionat, ndërsa albiçelestet duan të sigurojnë që Leo Messi të mos largohet pa një trofe të tillë.
Argjentinasit nuk e kanë fituar Kupën e Botës që nga Botërori i vitit 1986 i luajtur në Meksikë.
/s.f
