Gazment Bardhi është figura politike më inkoherente në radhët e “Rithemelimit”.
Paradite i duhet të mbështesë SPAK-un, pasdite të jetë në korin e atyre që e sulmojnë atë.
Në drekë i duhet të mbështesë drejtësinë, në darkë të jetë në radhët e atyre që e sulmojnë atë.
I duhet të jetë edhe me ndërkombëtarët në dukje, edhe me Berishën në prapaskenë.
Në një kohë kaq të shkurtër në politikë, atij i duhet të ngërthejë në vete inkoherenca të mëdha.
Duke qenë se përherë ka qenë nën hijen e të tjerëve, ai nuk ka mundësi të mbajë një qëndrimin e tij.
Së fundmi, duket se e ka “tradhëtuar” sërish shefin e tij, Sali Berisha, duke shpërndarë në platformën X, një postim të Sekretarit Amerikan të Shtetit, Antony Blinken, pikërisht që flet për të drejtat e njeriut në botë.
Mirëpo, me këtë postim, Bardhi duket se ka bërë një herezi në radhët e militantëve të Berishës, për arsye se ai ka shpërndarë pikërisht njeriun që ka shpallur “Non grata” Sali Berishën, me të cilin, siç Berisha ka deklaruar, është edhe në një proces penal për këtë çështje.
Duket se Gazment Bardhi e humbi betejën se kush bëhet me qesharak në media, pasi u shfaq Ilir Meta dhe ai nuk ka lënë vend për të tjerët në këtë drejtim, kështu që Bardhi ka zgjedhur të shfaqet si proamerikan poshtë Ballkonit të Berishës, duke i kujtuar të mbyturve poshtë katit të 8-të litarin e lënë varur nga Antony Blinken.
Një gjë të tillë e bën duke dashur të sulmojë korrupsionin e Edi Ramës me “dorën” e atij që e ka shpallur pikërisht Sali Berishën, padronin e ri të Gaz Bardhit, si “Non grata”, edhe për korrupsion madhor dhe minim të demokracisë./Alfparess
