Finalizohet operacioni “Loja e fundit”.
Dokumentohet me prova ligjore veprimtaria kriminale e një grupi në fushën e vjedhjeve të automjeteve.
Lidhur me ngjarjen e datës 12.02.2016, ku u bë e mundur që pas një ndjekje prej 30 minutash nga forcat policore të kapej dhe të arrestohej shtetasi:
Musa Xhauri, vjeç 21, ju sqarojmë se :
Sot ,më datë 13.02.2016 ,nga ana e shërbimeve të Policisë së Komisaritit Nr.6 në sajë të një pune operative legale u bë e mundur finalizimi i plan operacionit të koduar “ Loja e fundit”.
Si rezultat i punës hetimore u bë dokumentimi ligjor i veprimtarisë kriminale të grupit kriminal për tendecën e “Vjedhjes së automjeteve,.
Ky grup ushtronte veprimtarinë e tij kriminale në territorin që mbulon dhe kontrollon Komisariati i policise Nr.6.
Nga tërësia e veprimeve proceduriale rezultoi se përveç shtetasit Musa Xhauri i cili u arrestua në flagrancë ditën e djeshme, të dokumentohen me prova ligjore veprimtaria kriminale edhe e pjesëtari të dytë të grupit shtetasit:
Sh.D.,vjec 21, lindur në Kukës dhe banues Durrës , i dënuar më parë për vjedhje, i cili u shpall në kërkim nga ana jonë.
Si dhe po punohet për identifikimin e personit të tretë si pjesëtar i këtij grupi.
Këta shtetas në bashkëpunim me njëri -tjetrin dyshohen si autorë të disa vjedhjeve të mjeteve , vjedhje të dokumentuara me prova ligjore nga ana jonë.
Konkretisht :
- Ngjarja e datës 24.01.2016, ku këta shtetas në bashkepunim me njëri tjetrin kanë vjedhur gjatë natës në rrugën “Aleksandri i madh“ në afërsi të pallateve të kompleksit “Molla”, automjetin e markës Mercedes Benz Sprinter (Furgon), në pronësi të një firme për shitje të produkteve ushqimore.
- Ngjarja e ndodhur më datë 30.01.2015, ku këta shtetas në bashkëpunim me njeri tjetrin kanë vjedhur në rrugën “Aleksandri i Madh“, automjetin i markes Mercedes Benz (sprinter), në pronësi të shtetasit I. H
- Ngjarja më datë 10.02.2016, ku këta shtetas në bashkepunim me njeri tjetrin kanë vjedhur rreth orës 22.00 në parkingun pas Kasa Italia, mjetin Kamion i markes Benz Mercedez në pronesi të një firme.
- Ngjarja më datë 12.02.2016, ku këta shtetas në bashkëpunim me njeri tjetrin kanë vjedhur rreth orës 08.00 në rrugen “Aleksandri i Madh” Pallati “Molla”, automjetin e markes Ford Escort në perdorim të shtetasit S. M
- Ngjarja më datë 12.02.2016 ku këta shtetas në bashkëpunim me njëri tjetrin në fshatin Marikaj kanë vjedhur autoveturen e markes Benz 250 në pronesi të shtetasit K.D
Nga ana jone u bë e mundur gjetja dhe sekuestrimi i provave materiale:
- Mjeti Kamion i markës Benz Mercedez me ngjyrë të zezë i modelit 817 me targa TR 2635 L i cili u gjet ne qytetin e Durrësit.
- Autovetura e markës Benz 250 ngjyrë gri me targe DR 6369 C.
Po punohet në drejtim të verifikimit të vendondodhjes dhe gjetjen e mjeteve të vjedhura.
Materialet e para proceduriale do t’i kalojnë Prokurorisë së Rrethit Gjyqësor Tiranë për hetime të metejshme në lidhje me veprën penale të “Vjedhjes” në bashkepunim”, parashikuar nga neni 134/2 -25 i K.Penal, në ngarkim të shtetasve Musa Xhauri dhe Sh.D.
