Zëdhënësja e Partisë Demokratike, Ina Zhupa ne përgjigje të deklaratave të Partia Socialiste në lidhje me shkrimin e revistës amerikane për lobimin rus të Lulzim Bashës, deklaroi pak me parë se shkrimi i publikuar në amerikanen ‘Mother Jones’, është financuar nga Edi Rama.
“Shkrimi është pjesë e një fushate të qëllimshme për të mbuluar kokainën dhe lidhjet e familjes Rama me të. Akuzat me rusë të artikullit janë thellësisht qesharake, por për t’i bërë edhe më qesharake, sot ato i ripërcolli Elisa Spiropali. Elisa, e cila nga puna në doganë duket se ka krijuar një njohje të veçantë për oligarkët, ka bërë sot një sallatë ruse me oligarkë dhe Kremlin.
Është shenjë e nivelit të turpshëm të korruptimit dhe inkriminimit të Partisë Socialiste fakti që ruajtësja e nderit në PS është bërë Elisa Spiropali. Por është akoma më e rëndë që një parti e tërë po angazhohet përherë e më shumë në mbrojtje të drogës dhe të krimit. Edhe ky cikël akuzash të mercenarëve të paguar me paratë e kontrabandës dhe trafikut që kur Elisa ishte Drejtoreshë e Përgjithshme e Doganave, do të diskretitohen. Ajo që mbetet është ajo që ka rëndësi – Saimir Tahiri si trafikant dhe familja Rama e përfshirë në tregtinë e kokainës. Këta janë rreziku i destabilizimit të Shqipërisë”, tha Zhupa.
Pas medias amerikane ‘Mother Jones’ lidhur me lobimin rus pë Bashën, një tjetër media amerikane prestigjozia “New York Times” ka shkruar për lobimin rus në favor te Bashës. Për momentin nuk ka një reagim nga PD për këtë media.
ma.me
