Ish-Sekretari i Partisë Demokratike Arben Ristani është paraqitur ditën e sotme në Prokurori. Mënjëherë pas daljes nga institucioni, Ristani ka mohuar se ka lidhje me lobimin rus të PD-së në SHBA.
Ristani ka theksuar se nuk ka asnjë dokumentacion që ai ka pasur të bëjë me marrje apo dhënie lekësh.
Zyrtari i PD-së shpjegon se gjithë çështja ështe e kurdisur politikisht. Ai deklasoi se Prokuroria nuk i vuri përpara asnjë lloj dokumentacioni që lidhet me emrin tim.
“Nuk ka asnjë dokumentacion që unë kam të bëjë me marrje apo dhënie lekësh me Biniata Trade. Nuk ka asnjë letër me firmën time. Nuk ka asnjë bisedë telefonike asgjë tjetër. Nuk jam marrë asnjëherë me ato që fliten në media për lobime. Kurrë nuk kam pasur interes se çfarë ndodhte me financat e Partisë Demokratike. Në këto kushte e gjithë çështja është e kurdisur politikisht. Unë nuk kam asnjë lidhje me këtë histori. Është një akuzë e nxitur politikisht. Nuk ka asnjë provë. Jam njohur me akuzën ndaj meje, por Prokuroria nuk më vuri përpara asnjë lloj dokumentacioni që lidhet me emrin tim.
Unë kam shpesë që në këtë vend do ketë njerëz që kanë kurajë profesionalitet dhe që të kanë integritet.”
