Nga foltorja e Kuvendit Ministri i Brendshëm Sandër Lleshaj përsëriti edhe një herë apelin për drejtuesit politikë të opozitës të distancohen nga organizimi i veprimeve destruktive që cënojnë procesin zgjedhor në vend.
Gjatë fjalës së tij nga foltorja e Kuvendit, ministri deklaroi se Polica e Shtetit do të marrë masa serioze për të parandaluar apo për të goditur me forcën e ligjit çdo përpjekje që drejtohet kundër atyre për të marrë pjesë dhe për të ushtruar me liri te plotë voten tij.
“Polica e Shtetit do të marrë masa serioze për të parandaluar apo për te të goditur me forcën e ligjit çdo përpjekje që drejtohet kundër Kushtetutës apo Legjislacionit tjetër që lidhet me të drejtën kushtetuese te çdo qytetari për të marrë pjesë dhe për të ushtruar me liri te plotë voten tij. Me ketë rast dëshiroj të ftoj gjithë aktoret apo faktoret politik publik apo mediatik, shoqërinë civile dhe qytetare në tërësi që të angazhohen me pergjegjësinë dhe pjekurinë që kërkohet prej një vendi anëtarë në NATO dhe kanditati te denjë për Bashkimin Europian për të krijuar nje mjedis dhe atmosferë te sigurte të lirë dhe të qytetëruar përgjatë fushates zgjedhore. Ftoj drejtuesit politikë që të distancohen nga inkurajimi apo organizimi i veprimeve destruktive të dhunës që cënojnë procesin zgjedhor në vend. Janë vepra të rënda penale që nuk mund dhe nuk do të tolerohen nga organet ligjzbatuese”, deklaroi ministri.
g.kosovari
