Ministri i Brendshëm, Sandër Lleshaj, deklaroi se institucionet në vitin 2020 do të përqendrohen te goditja e financave të krimit të organizuar. Ai kërkoi më shumë angazhim nga tatimet, për të zbuluar dhe ndëshkuar shkelësit.
Ai shtoi se në rast se të gjitha institucionet do ta bëjnë si duhet punën e tyre, nuk ka sesi te ketë raste kultivimi të lëndëve narkotike në vend.
“Viti 2020 i rëndësishëm dhe prioritet rindërtimi i vendit pas tërmetit te nëntorit. Qëllimi tjetër mbetet goditja e krimit te organizuar dhe kryesisht financat e tyre. Krimi ka ngritur një biznes te dëmshëm për vendin. Goditja e krimit mes financave te tyre është prioritet dhe kryesorë. Për ketë kërkohet angazhimi i te gjitha institucioneve dhe jo vetëm policisë. Flas për ato institucione që merren me tatimet apo taksat.
Nëse të gjitha institucionet do ta bëjnë si duhet punën e tyre, nuk ka sesi te ketë raste kultivimi. Vjet ka qenë maji, kur i thamë policisë çfarë kapet brenda kësaj date është merita juaj, çfarë behet pas kësaj është te përgjegjësia juaj. Këtë vit ky afat është Mars. Jam i bindur se kjo do të realizohet si objektiv. Por nuk është vetëm përgjegjësi e policisë, por edhe administratorët lokal, kryepleqtë dhe pushteti vendor etj.
Edhe ne ketë rast policia do të merret me personat përgjegjës jo me bimët. Pra jo të kosisë me male, kjo është qasja dhe jo objektiv. Nësë është territor privat është e thjeshtë përgjegjësia, nëse është territor shtetëror është e qarte përgjegjësia. Fenomeni është minimizuar, por po punojmë ti shterojmë një burim financiar krimit në përgjithësi. Çështje tjetër e rëndësishme ka te beje me emërtime e rrugëve, shesheve banesave për tu mundësuar, një administrim normal i territorit. Integrimi i regjistrimeve, të adresave me atë të gjendjes civile. Ky proces do ti besohet prefekturës si proces”, tha Lleshaj.
g.kosovari
