Ministri i Drejtësisë, Petrit Vasili dhe prokurori i Përgjithshëm, Adriatik Llalla, deklaruan se trafikimi i lëndëve narkotike mbetet një problem për vendin tonë. Por Prokurori i Përgjithshëm, Adriatik Llalla, ka shkuar edhe më tej. Ai ka ngritur sot problemin e mosthirrjes së prokurorëve në asgjësimin e lëndëve narkotike.
“Prokurorët nuk përfshihen në procesin e asgjësimit të lëndëve narkotike. Kjo është një problematikë që e kemi diskutuar edhe më herët. Në të gjitha rastet kur ka dyshime që provat materiale asgjësohen në mënyrë të kundraligjshme, të fillojnë hetimet”, tha Llalla në një aktivetet ku merrte pjese edhe ministri i Drejtesise, Petrit Vasili.
“Prokurorë të caktuar në shkelje të normave procedura kanë filluar të shpërdorojnë detyrën e tyre. Kemi pasur një rast kur një prokuror në mënyrë të kundraligjshme kërkon pushimin e akuzave në Gjykatën e Lartë. Prokuroria e Përgjithshme do të ndjekë me vëmendje të gjitha rastet”.
Ndërsa ministri Vasili tha: “Qeveria duhet të jetë e pakursyer për fondet që vë në dispozicion për hetimin e trafikut të lëndëve narkotike. Duhet ashpërsuar politika penale për grupet e strukturuara kriminale që trafikojnë kanabis”.
c.a
