Pas një lajmi të publikuar nga TCH se Kryeprokuroria Adriatik Llalla është kërcënuar me jetë e për pasojë ka larguar nga vendi familjen e tij, ka reaguar edhe Prokuroria përmes një njoftimi për shtyp. Në njoftim nuk përgënjeshtrohet dhe as nuk konfirmohet lajmi në fjalë.
NJOFTIMI I PROKURORISE:
“Lidhur me interesimin Tuaj, pas lajmit të publikuar në televizionin Top Channel, me titull: “Kërcënohet Adriatik Llalla, kryeprokurori detyrohet të largojë familjen nga Shqipëria”, dëshirojmë të theksojmë se, si Prokurori i Përgjithshëm, ashtu edhe institucioni i Prokurorisë vijojnë normalisht aktivitetin në bazë të ligjit dhe nuk ka asnjë cënim në ecurinë e hetimeve që po zhvillohen në të gjithë strukturat e institucionit”, thuhet në deklaratën e zëdhënësit të këtij institucioni./java/a.k
