Prokuroria, në zbatim të dekriminalizimit, i ka dërguar Europolit shenjat e gishtave të katër deputetëve të Kuvendit të Shqipërisë për verifikim.
Bëhet fjalë për deputetin socialist Artan Gaçi, deputetët e PDIU Aqif Rakipi dhe Omer Mamo, si dhe deputetin e pavarur Mhill Fufi.
Pas verifikimit të shenjave të gishtave, priten nga Europoli dhe Interpoli përgjigjet për këta 4 deputetë. Procesi më pas do të vijojë me verifikimin e deklarimeve në formularin e vetëdeklarimit.
Ndërkohë më herët Prokuroria ka kërkuar heqjen e mandatit për deputetin socialist Vladimir Kosta.
Kreu i akuzës ka dorëzuar kërkesën për heqjen e mandatit të deputetit të maxhorancës në Komisionin Qendror të Zgjedhjeve. Mësohet se shkak për këtë është bërë mosdeklarimi nga ana e vetë deputetit të një dënimi për armë pa leje. /tema/b.d
