Situata e dhunshme para Kuvendit të Shqipërisë ka bërë që FNSH dhe autobotët e ujit t’i drejtohen vendit të protestës për të shpërndarë turmën.
Më herët, qindra protestues të opozitës sulmuan kordonin e policisë ku i plagosur mbeti edhe një efektiv. Me veprime të çrregullta, një grupim hodhi në drejtim të Kuvendit mjete të forta.
Raportimet LIVE tregojnë kundërpërgjigjen e policisë përmes gazit lotsjellës dhe ujit me presion.
Si pasojë e akteve para sallës së seancave plenare ka mbetur i plagosur të paktën një polic si dhe kanë shfaqur probleme në frymëmarrje disa protestues.
Ndërkohë që të pranishëm për një kohë të gjatë nuk kanë qenë drejtuesit e opozitës.
***
Teksa ndodhen para Kuvendit, protestuesit kanë tentuar të hyjnë me dhunë në sallën e seancave plenare. Ata kanë hedhur gurë dhe sende të forta në drejtim të perimetrit të sigurisë.
Pas përplasjes me forcat e rendit, një efektiv i policisë ka mbetur i lënduar.
Ndërkohë që policia është detyruar të përdorin gazin lotsjellës, çka ka bërë që protestuesit të tërhiqen.
***
Pas tre marshimeve rreth Kryeministrisë ende nuk dihet se cfarë do të ndodhë me skenarin e tubimit të opozitës, pasi protestuesit kanë përshkuar bulevardin duke u futur te pedonalja ku ndodhet edhe Ministria e Brendshme për të dalë te parlamenti.
Gjatë lëvizjes janë hedhur disa kapsolla, por nuk është shënuar asnjë incident.
Një lëvizje e papritur e protestuesve, ndërsa nuk dihet nëse tubimi do të mbyllet në selinë e PD-së apo do të rikthehen sërish para Kryeministrisë.
***
Ka nisur me një fjalim të ish-deputetit Flamur Noka protesta e opozitës para kryeministrisë. Menjëherë një thirrje e tij për marshim protestues, e ka ndarë turmën e mbështetësve dhe simoatizantëve në dy pjesë.
Disa ndoqën Nokën në një marshim rreth të gjtiha anëve të kryeministrisë, e cila duhet theksuar se ishte e rrethuar me gardh metalik në të katër anët e saj edhe për shkak të punimeve në rrugë pranë Piramidës.
Kryeministria është rrethuar nga simpatizantët e opozitës së bashkuar tashmë jo parlamentare. Gjatë marshimit, janë hedhur tymuese, kapsollë e flakadanë, ndërkohë që protetuesit nisën të shembin gardhet metalike, dhe një motor të policisë. Flamur Noka pas marshimit është rikthyer sërish para kryeminsitrisë, ku mbajti një fjalim tjetër, përmes të cilit i ftoi protestuesit në një marshim të dytë rreth e qark kryeministrisë.
Policia ka marrë masat për të garantuar mbarëvajtjen e tubimit, me rreth 1600 efektivë në terren.
Ashtu si edhe në protestën e një muaji më parë, Rama nuk është në zyrë, por në qarkun e Beratit në kuadër të turit ‘Bashkia që Duam’.
***
Me thirrjet “Rama ik!” opozita ka nisur marshimin drejt kryeministrisë. PD dhe LSI kanë thirrur sot një protestë, kundër qeverisë së kryeministri Edi Rama.
Ndërsa që në orët e para të mëngjesit qytetarë dhe mbështetës të opozitës janë nisur drejt Tiranës.
Kryetari i PD-se Lulzim Basha dhe kryetarja e LSI-se Monika Kryemadhi kanë dalë nga selitë e tyre dhe po u bashkohen mbështetësve, ndërsa policia ka forcuar masat e sigurisë para Kryeministrisë.
Ndërkohë që Edi Rama ndodhet në Berat, në një takim me operatorët turistikë.
/a.rada
