Kryetari i Partisë Socialiste, njëherësh Kryeministër i vendit, Edi Rama ka mbledhur këtë të enjte drejtuesit politikë të PS dhe kryetarët e Komisioneve Parlamentare.
Rama u prezantoi drejtuesve politikë “frymën” e dokumentit “Prania besnike”. Platforma rendit pika si respekti për të dëgjuar, empatia, solidariteti, korrektesa dhe përkushtimi. Ndërsa të parat i referoheshin kryesisht raportit me qytetarët, përkushtimi është një pikë e cila adreson problemet brenda partisë, kritikat e hapura brenda saj dhe mospërdorimin e tyre si mjete politike.
“Adresimi im publik për fillimin e ndryshimit të ri të Partisë Socialiste, duke nisur me një diskutim të brendshëm rreth “Pranisë Besnike” – aneks i Dokumentit Strategjik BESA që trajton përjashtimisht dimensionin e partisë në Kthesën e Mandatit të Katërt”, shprehet Rama.
