Në konferencën e fundvitit me gazetarët, kryeministri Rama e nisi fjalën e tij me reformën në drejtësi.
Shefi i qeverisë deklaroi se stimulimi i një krize artificiale nga një palë që nuk e pranon reformën, nuk e pengon dot atë, dhe në fillim të vitit të ardhshëm, do të shohim edhe rezultatët e para të pastrimit të pallatit të drejtësisë.
Kryeministri deklaroi se reforma në drejtësi nuk mund të merret peng për axhenda të ndryshme politike.
“Reforma në drejtësi, po stimulohet një krizë artificiale. Kriza artificiale lidhet me pamundësinë e një pale për të pranuar domosdoshmërinë e reformës në drejtësi. Në fillim të vitit të ardhshëm do shikojmë rezultatet e para konkretë të punës për pastrimin e pallatit të drejtësisë nga gjyqtarët dhe prokurorët e korruptuar. Reforma nuk mund të merret peng për axhenda të ndryshme politike. Një palë nuk e pranon dot reformën në drejtësi. Instuticionet e vettingut janë në punë me orare të plota”, deklaroi Rama
Kryeministri deklaroi se ky vit shënon edhe numrin më të vogël të vrasjeve në 27 vjet pluralizëm, ndërsa Shqipëria doli nga harta e kultivimit masiv të kanabisit
“Ky vit shënon numrin më të vogël të vrasjeve dhe viti që nxjerr Shqipërinë nga harta e kultivimit dhe trafikimit masiv të kanabisit.“, tha Rama
Opozita po luan me zjarrin duke u kthyer në pengesë për çeljen e negociatave, deklaroi kryeministri
“Jemi në situatë ku opozita po luan me zjarrin duke u kthyer në pengesë… lidhur me këtë element kyç të historisë. Negociatat nuk çelen për qeverinë dhe për PS por për Shqipërinë dhe shqiptarët. Kriza artificiale janë në dëm të Shqipërisë dhe shqiptarëve në çeljen e anëtarësisë”, deklaroi kryeministri.
Kryeprokurori, Rama: Basha përgjigje heroike, refuzuese
Kryeministri deklaroi se i ka ofruar konsensus të vazhdueshëm Bashës për kryeprokurorin e përkohshëm
“Opozita është ajo që kemi, jo ajo që duam. Do vijoj përpjekjet për dialog me opozitën. Përgjigjja e Bashës për ftesën time ishte heroike, refuzuese. Ne do marrim vendime pasi nuk mbetemi peng i opozitës”
“S’merret pushteti me bojkote apo djegie mandatesh”
I pyetur nga gazetarët se a është gati të a eshte gati të negociojë me opozitën, apo 18 maji ka vdekur, Rama deklaroi se i ka shtrirë vazhdimisht dorën për dialog PD-së.
“Kam dëshmitarë të gjithë ju që qysh në momentin kur lindi nevoja për të adresuar cështjen e përfundimit të mandatit të prokurorit të përgjithshëm i kam kërkuar në mënyrë të përsëritur kreut të PD-së që të dialogojmë dhe ta shfrytëzojmë këtë dokument për të gjetur një zgjidhje të përbashkët lidhur me prokurorin por dhe një pakt për Europën dhe përgjigjet kanë qenë heroike, refuzuese, të pakuptueshme.
Në çdo hap do bëj përpjekje për të dialoguar me kryetarin e PD-së dhe PS do të jetë e gatshme për të dialoguar. Opozita është ajo që kemi jo ajo që duam. Na pëlqen s’na pëlqen, është e aftë ka vizion ose jo, mund ti themi por në fund të ditës është opozita që kanë zgjedhur njerëzit.
Është detyrë e shumicës të shtrijë dorën për dialog dhe mirëkuptim, i ka apo si ka votat. ne do ta bëjmë në vazhdimësi, por sigurisht do vazhdojmë të udhëheqemi dhe do marrim vendime, nuk do të mbetemi peng i taktikave të PD-së
Nuk merret pushteti me bojkote, djegie mandate apo marrëdhënie të kushtëzuara. Nuk ndryshohet qeveria me bojkote. Ne nuk e kemi kërkuar kurrë këtë gjë dhe natyrisht ne nuk do ta presim siç nuk e kemi pritur me prokurorin, nëse nuk e shfrytëzon kohën për dialog, dhe që e përcakton legjislacioni. Nëse opozita nuk e shfrytëzon kohën është përgjegjësi e opozitës. Dialogu gjendet në tavolinë. Ulja në tavolinë është detyrë parësore.”
Nënshtetësia për Janullatosin, Rama: Akt i vonuar, Meta bëri shumë mirë
Kryeministri Rama e ka quajtur një vendim shumë të mirë dekretin e presidentit Meta për t’i dhënë nënshtetësinë shqiptare kryepeshkopit të Kishes Ortodokse, Janullatosit
Rama theksoi se ky ishte një vendim i vonuar dhe se kryepeshkopi ka luajtur një rol pozitiv
“Kryepeshkopi ka luajtur një rol pozitiv. Nënshtetësia për Janullatosin, Meta bëri shumë mirë. Fatet e dy vendeve tona janë të lidhura. Nenshtetësia për kryepeshkopin një akt i vonuar”
Javanews.al/a.ç
vijon…
https://www.facebook.com/edirama.al/videos/10155432209131523/
