Kryeministri Edi Rama deklaroi në Kongresin e Partisë Socialiste se që nga sot nis projekti i Shqipërisë 2030. Në këtë mënyrë, Rama paralajmëroi ndryshime të rrënjësishme duke theksuar se me këtë projekt duhet të përgatitet një brez i ri.
Sipas tij, jo vetëm Partia Socialiste po përgatitet për projektin e “Shqipërisë 2030” por edhe të vetë kësaj force politike të cilën e emërtoi si “Partia Socialiste 2030”.
“Sot nis natyrshëm projekti i Shqipërisë 2030 për të cilin një gjeneratë tjetër duhet të marrë kreshendo dhe më shumë përgjegjësi mbi shpatulla. Është kjo e koha e duhur për të nisur një investim të ri në kapitalin njerëzor të Partisë Socialiste dhe për të punuar me një ambicie të re dhe të madhe, për të pasur edhe një Parti Socialiste 2030”, u shpreh kryeministri Rama.
Rama nuk la pa sulmuar edhe opozitës e cila sipas tij ka ndotur ligjërimin politik dhe jetën parlamentare, ndërsa e cilësoi Partinë Demokratike si një cisternë të mbushur me helm.
“Ne nuk jemi burimi i atij konflikti, dihet botërisht që burimi është tjetërkush që doli nga shpella e historisë si shqiptari kundër shqiptarit.
E kanë katandisur Partinë Demokratike në një cisternë helmi, që nuk i bën më punë as dreqi vetë. I njëjti që e ndot përditë ajrin e jetës politike dhe helmon përditë turmën”, tha Rama.
Në fjalimin e tij kryeministri falënderoi edhe Lindita Nikollën e cila dha dorëheqjen nga drejtimi i Kuvendit.
“Lindita Nikolla shërbeu si kryetare e Kuvendit në tre vjet jo të lehta të jetës parlamentare. Faleminderit për forcën e shembullit që ti jep”, nënvizoi Rama.
Nga sot nisin rrenat e mashtrimet e bujeshme,nga k/hajduti me banditet e tije.Per 11 vjete me radhe ka patur vetem,mashtrime,vjedhje e plackitje te parave e pasurive Kombtare.Merreni veshte o popull ky eshte k/hajduti.Ky mendon se pasurite e shqiptarve,e te Shqiprise ja ka lene dulla ktije e 2 monstrave tjera si ky.Prandaj duhet me pa tjeter kta hajdute kriminele te ndalohen,ne zgjedhjet e 2025.