Kryeministri Edi Rama, ndodhet në Dibër ku po mbahet Asambleja e Zgjeruar e PS-së. Gjatë fjalës së tij komentoi dhunën dhe kaosin që kanë shkaktuar deputetët opozitarë në Kuvend.
Kjo sjellje e tyre lidhet me çështjet e drejtësisë tha Rama duke iu referuar vendimit të GJKKO për Sali Berishën në lidhje me aferën e privatizimit të ish-kompleksit Partizani.
“Jam ulur këtu në një moment të rëndësishëm për ne si forcë politike në vigjilje të një kongresi dhe në një fazë të jetës së vendit që ka shumë gjëra pozitive dhe patjetër ka edhe sfida e vështirësi që duhen kapërcyer. Belinda e preku pak në fjalën e saj situatën politike.
Unë nuk kam dashur dhe nuk dëshiroj të shpenzoj kohën e askujt për këtë por e remora për të nënvizuar faktin që kjo situatë të gjithë ju e shihni dhe shqiptarët e shohin është situatë ku arsyet që thuhen për këtë përshkallëzim të ri të marrëzisë nk janë ato që dihen.
Arsyet e vërteta pse shqiptarët po ballafaqohensërish për të kushedi të sesatën herë me skena dhe akte të cilat asnjë familje asnjë prind as ata vetë që i vënë në jetë këto akte nuk ia lejon fëmijëve të vetë.
S’ka prind në këtë vend që i thotë fëmijës futu nga penxherja dhe pastaj baballarët hyjnë nga penxheret sepse diçka shumë e fortë i shtyn në këto akrobacira qesharake që mund të shkojnë në shfaqjet e portokallisë por jo në zyrat e tempullit të demokracisë të një vendi që është parlamenti. Kjo lidhet me drejtësinë.”, tha Rama.
Një ditë pas vendimit të gjykatës së Strasburgut për vrasjen e Aleks Nikës bashkë me 3 protestues të tjerë nga trupat e Gardës para qeverisë në 21 janar 2011, Rama shprehet se “21 janari është një nga ato krime që mund të ndodhë që vonesa e drejtësisë e të jetë më e gjatë se drejtësia e vonuar, por është nga ato krime që kurrë nuk mbeten pa ndëshkuar, në cilin do moment sado vonë”./m.j
