Pas mbledhjes së Kryesisë, Partia Socialiste do të mbledhë sot në orën 10:00 Asamblenë Kombëtare.
Takimi do të nisë me fjalimin e kryetarit të PS dhe njëherazi kryeministër i vendit, Edi Rama. Gjatë Asamblesë do të paraqitet raporti për ecurinë e procesit të bashkëqeverisjes, si dhe një udhëtimin e zhvillimin e mëtejshëm të llogaridhënies publike.
Në axhendë janë parashikuar plot 8 pika, kryesisht me karakter organizimin e PS-së përpara zgjedhjeve vendore të 30 qershorit, ndërsa është parashikuar edhe Kongresi i PS në 30 mars 2019.
Pak ditë më parë, Rama mblodhi edhe kryesinë e PS. Në media ka zëra se mund të ketë edhe ndryshime në qeveri, gjë që kryeministri nuk e pohoi, por as nuk e mohoi gjatë fjalës për mediat pas mbledhjes së kryesisë.
Mbledhja e Asamblesë vjen pas protestave të studentëve, që vetë kryeministri i quajti “një shuplakë për qeverinë, grusht për opozitën dhe shpresë për Shqipërinë.
Axhenda e mbledhjes së Asamblesë Kombëtare të PS
1. Fjala e kryetarit të Partisë Solciliste, kryeministrit Edi Rama.
2. Raportim mbi performancën e qeverisë. Bashkëngjitur informacion nga analizat e zhvilluara nga partia Socialiste dhe grupit parlamentar me çdo ministër të qeverisë.
3. Raportim i Koordinatorit Kombëtar, Elisa Spiropali, për ecurinë e deritanishme të procesit të bashkëqeverisjes.
4. Udhëzim për zhvillimin e Llogaridhënies Publike të qeverisjes qendrore dhe vendore “Puna për Shqipërinë që duam”, prej datës 1 maj deri më 30 qershor 2018.
5. Informacion për punën e deritanishme mbi analizën e performancës së qeverisjes vendore.
6. Informacion mbi punën e strukturave vendore të partisë për kryerjen e disa veprimtarive organizative për periudhën janar-prill 2018.
7. Vendim për kuotizacionin e anëtarësisë së Partisë Socialiste për vitin 2018.
8. Çështje të tjera.
Javanews/a.cupaj
