I ftuar në kryeqytetin e Kosovës në këtë 9 vjetor të Pavarësisë së vendit, kryeministri Edi Rama është shprehur se tashmë ka ardhur një kohë e bukur për shqiptarët dhe se ai shpreson që një gjë e tillë të vijojë edhe për vite të tjera. Rama i është referuar shekullit të shkuar dhe viteve të mëparshme, njerëzve që kanë luftuar për kosovën dhe të gjitha dhimbjeve të dikurshme, duke bërë krahasimin me ditët e sotme, ku dy shtetet shqiptare janë të lira.
Në koncertin që mbahet në një sallë të re të një televizioni në Prishtinë, i ftuar nderi ka qenë edhe muzikanti me famë botërore Shkëlzen Doli, pjesëtar i orkestrës së Filarmonisë së Vjenës. Madje Rama ka bërë dhe batuta me të, duke i kërkuar ndjesë që për disa minuta ka dëgjuar zërein e tij aspak melodioz.
“Gjenerata të tëra e kanë kaluar gjithë jetën nën monotoninë e jetës dhe mundësisë për të mos qenë i lirë… jemi me fat që, na qëlloi të jetojnë në këtë kohë ndryshimesh kaq rrënjësore, dhe po ashtu jam i binudr që për shumë e shumë arsye, kjo është një kohë e bukur për shqiptarët dhe do të vijojë të jetë e tillë për disa kohë të tjera, prandaj kjo na bën që të bëjmë më të mirën.
Uroj që me gjithë zemër të jetë një hapësirë ku sa më shumë njerëz të vijnë dhe ti thonë faleminderit atyre që kontribuuan për këto të bukura shqiptare.
Shkëlzen Dojlit i them faleminderit që duroi për disa minuta zërin e tim aspak melodioz.”-tha Rama./java/a.k
