Ka nisur seanca plenare në Kuvend teksa pjesemarrja ne protesten e Rithemelimit raportohet te jete teper e ulet.
Vete Sali Berisha ka shperndare pamjet e vjetra kur merrte vete pjese ne protesta dhe i drejtonte ato.
Parlamenti voton sot përbërjen e dy komisioneve që tashmë janë ngritur me vendim të shumicës parlamentare.
Bëhet fjalë për përbërjen e Komisionit të Posaçëm të Kuvendit për të luftuar Dezinformimin dhe për përbërjen e Komisionit të Posaçëm të Kuvendit për Antikorrupsionin.
Rreth 400 efektivë nga Policia e Tiranës (efektivë të rendit, forcat Shqiponja, agjentë) dhe Forcat e Sigurisë Kombëtare (FNSH) janë angazhuar për mbarëvjatjen e protestës para parlamentit.
Masat janë marrë nga Drejtoria e Përgjithshme e Policisë së Shtetit në koordinim me DVP Tiranë. Në perimetrin e parlamentit janë instaluar kamera me rezolucion të lartë për të identifikuar çdo lëvizje të protestuesve që policia të ketë të gjitha provat e mundshme nëse do të ketë incidente.
Ndërkohë RENEA është në gatishmëri në rast se do të ketë incidente. Po ashtu edhe autobotë me ujë ndodhen në pjesën e pasme të parlamentit nëse do të jetë e nevojshme për të ndërhyrë.
/a.r
