Basha mbërrin në Pallatin e Kongreseve, salla ngrihet në këmbë, nderkohe qe Kuvendi ka filluar punimet.
Kreu i Partisë Demokratike, Lulzim Basha, ka mbërritur te Pallati i Kongreseve, për mbledhjen e Kuvendit Kombëtar të PD.
Kryedemokrati Basha është pritur me ovacione dhe duartrokitje nga delegatët e partisë, të cilët kanë mbushur Pallatin e Kongreseve, për të qenë pjesë e Kuvendit Kombëtar, i cili mblidhet nën sloganin “Zgjedhim të ardhmen”.
I rrethuar nga mbështetës të shumtë, kryedemokrati Basha ka përshëndetur me dy gishta. Ndërkohë, të gjithë të pranishmit në sallë janë ngritur në këmbë në shenjë respekti ndaj Bashës, teksa e kanë shoqëruar ardhjen e tij edhe me thirrjet “Lulzim Basha”, “Rama ik”.
Ndërkohë, Kuvendi Kombëtar i PD ka nisur me Himnin Kombëtar.
Ne krye te komisionit per drejtimin e Punimeve te Kuvendit eshte zgjedhur Jemin Gjana.
Kuvendi i PD ka miratuar vendimin e parë. Bëhet fjalë për ngritjen e komisionit të Kuvendit, i cili do të drejtohet nga Jemin Gjana. Zëdhënësja e PD-së, Ina Zhupa, prezantoi emrat teksa tha se nuk mund ta fshehë gëzimin për pjesëmarrjen.
Komisioni
Jemin Gjana, kryetar
Gazment Bardhi, anëtar
Grida Duma, anëtare
Enkelejd Alibeaj, anëtar
Flutura Açka, anëtare
“Të gjithë delegatët janë të pajisur me fletët për të votuar. Ftoj delegatë të votojnë për përbërjen e komisionit, miratohet përbërja e Komisionit për Kuvendin Kombëtar të PD”, deklaroi Zhupa./m.j
