Kryeministri Edi Rama në Asamblenë e Zgjeruar të Partisë Socialiste, u ndal tek turizmi, si edhe tek rendi dhe siguria, duke thënë se janë një tregues i ndryshimeve në vend.
“Dua ta nis së pari me turizmin. Tirana për herë të parë ka qenë më shumë se sa një pikë mbërritje e turistëve që më pas shpërndahen në destinacione të tjera dhe ka qenë shumë më shumë se sa herë tjetër, një destinacion më vetë. Disa vite më parë do ishte e vështirë të imagjinohej që njerëzit do t ë vinin si turistë për të qëndruar në Tiranë.
Shifra e turistëve ka një domethënie shumë të madhe, që Shqipëria të arrijë drejt tavanin të 10 milionë turistëve për një vit është shumë e rëndësishme dhe tregues për një sërë gjërash të ndryshuara. Pra ka filluar të funksionojë volumi i investimeve të bëra, që është shumë më i madh sepse kërkesat për investime ne turizëm po vijnë duke u rritur. Nuk është vetëm ky aspekt, por edhe aspekti që ka të bëjë me rendin dhe sigurinë pasi ka një ndryshim të madh”, tha Rama./m.j
