Deputeti i Partisë Socialiste Alket Hyseni i ftuar sot në News 24 komentoi “listat e hapura”, aq shumë të debatuara ditët e fundit.
“Debati për listat e hapura synonte që votuesi shqiptar ditën e votimit përtej siglës së një partie të bëjë edhe zgjedhje nominale për kandidatin. Drafti ynë paraqet më tepër se sa përcakton kushtetuta.
Tani 100% e emrave në listë janë në dispozicion të votuesit. Pavarësisht se votën ia jep PS, ai zgjedh edhe të preferuarin e vetë.
Ky është sistemi proporcional rajonal me një prag kombëtar. Pragu nuk ka lidhje me hapjen e listave. Ky sistem i jep të drejtën preferenciale votuesit”,- tha ai!
a për qëndrimin e opozitës së Bashkuar, Hyseni u shpreh: “Opozita mund të bëjë politikë, flas për opozitën e rrugës por çështja është se ne kemi krijuar për ta një dritare ekstra, pra Këshilli Politik ku iu hapet rruga propozimeve të opozitës drejt Parlamentit. Nëse ata nuk e shfrytëzojnë është problem i tyre.
Duhet të vijnë me projekte, alternative. Ata nuk është se nuk janë në gjendje të shkruajnë por ju mungon aternativa si opozitë, janë në një gjendje të mjerueshme, në situatë tripolare ku askush nuk merr dot vendime. Tani shfaqet edhe një aktor i tretë si Presidenti që do të jetë lideri. Propozimet tona janë konkrete, është shkruajtur e zeza mbi të bardhë.
Opozita të vijë dhe të bëjë propozimet e saj. Shqipëria nuk ka më kohë për të humbur. Ne po aplikojmë sisteme të qëndrueshme demokratike.
Nuk mund të sjellim sistemin që i vjen për shtat PD, apo një tjetri që i intereson PS. Nëse shohim interest e ngushta ne nuk do shkojë drejt asaj që shqiptarët duan”,- tha ai.
I pyetur se si hyn PS në zgjedhejt e përgjithshme parlamentare, Hyseni tha se pavarësisht tërmeteve dhe pandemisë, partia që ai përfaqëson do të fitojë bindshëm edhe mandatin e tretë.
“Nuk hyjmë në fushatë në një situatë normale, pasi kaluam dy tërmete me pasoja të rënda për mijëra familje, buxhetin e shtetit dhe për ekonominë në tërësi. Kjo sitatë ka cënuar gjithë shoqërinë shqiptare, pasuar pastaj edhe nga pandemia. Kjo bën të mos jemi komodë ashtu sic do të donim.
Megjithatë shkojmë ballë lart në fushatë. Menaxhimi i situatës nga qeveria Rama dhe strukturat e ngritura ka qenë i mirë, ka pasur edhe cedime rrugës, por kush punon edhe gabon. Pavarësisht kësaj ne kemi gjetur shtigje dhe rrugë të reja për t’ju përshtatur edhe këtyre situatave. Mendoj që do fitojmë bindshëm një mandate të tretë”,- tha Hyseni.
Si deputet i një qarku bregdetar, Hyseni tha se ishte një vit atipik për turizmin dhe i vështirë. Pavarësisht kësaj, ai shtoi se të dhënat flasin për një nivel mbi 20% të turistëve, pra më mirë nga sa ishte parashikuar në prill.
“Kjo falë turizmit patriotik por edhe shqiptarëve brenda Shqipërisë që preferuan të qendrojnë në vendin e tyre. I harxhuan paratë e tyre këtu dhe rikuperuan atë gropën e madhe që mund të linte ky sektor në ekonomi”.
/e.rr
