Kryetari i “Listës Sërpska”, Aleksandar Jablanoviç, ka deklaruar të dielën se Grupi Parlamentar në Kuvendin e Kosovës i kësaj liste funksionon i bashkuar, dhe ka porositur se “Lista Sërpska” është “e vendosur që të ndjekë dhe të përcjellë politikën e Beogradit”.
Jablanoviçi, i cili foli në një konferencë për gazetarë të mbajtur në Beograd, tha se “Lista Sërpska” edhe më tutje qëndron në ato parime mbi të cilat edhe është themeluar, e kjo është “të zbatojë politikën e Qeverisë së Serbisë në segmente e rëndësishme për shtetin dhe shoqërinë tonë në Kosovë dhe Metohi”, shkruan Koha Ditore.
