Më herët lidhur me çështjen e moscertifikimit të Listës Serbe reagoi edhe presidentja e Kosovës, Vjosa Osmani. Ajo vlerësoi se partia me e madhe politike e serbe ne veri, është e angazhuar në akte terroriste, akte agresioni dhe cenim të rendit kushtetues. Kabineti I presidentes, I cituar nga Radio Evropa e Lirë thotë se Osmani beson se KQZ duhet të vendosë në mënyrë të pavarur.
“Çdo vendim i nxjerrë nga KQZ-ja, duhet të respektohet, si pjesë e përkushtimit ndaj sundimit të ligjit dhe ruajtjes së integritetit institucional”, është cituar të ketë thënë Osmani.
Lista Serbe është ankuar në Panelin Zgjedhor për Ankesa dhe Parashtesa, lidhur me vendimin, të cilin e konsideron si absurd, antiserb dhe jodemokratik. Kryetari i kësaj partie tha se ky hap është ndërmarrë me kërkesë të kryeministrit të Kosovës, Albin Kurtit.
Petar Petkoviq, kryetar i Zyrës për Kosovën në Qeverinë e Serbisë, ka thënë se deklarata “e turpshme” e presidentes Osmani vetëm konfirmon që vendimi i KQZ-së ka qenë politik dhe është marrë nën urdhrat e Kurtit.
