Organizata ndërkombëtare e ekspertëve, Instituti për Ekonomi dhe Paqe, ka publikuar Indeksin Global të Paqes (GPI) të këtij viti.
Bëhet fjalë për renditjen e 163 vendeve, e cila u bë në bazë të të dhënave mbi gjendjen e paqes në secilin prej 163 vendeve, mbi ekonominë e tyre dhe mbi mënyrën se si (nuk) po zhvillohen shoqëritë paqësore.
Arsyeja për këtë është se konfliktet e mëdha janë në nivelin e tyre më të lartë që nga fundi i Luftës së Dytë Botërore.
Përveç kësaj, siç është konstatuar, gjithnjë e më shumë shtete po militarizohen për shkak të tensioneve gjeopolitike në rritje, prishjes së aleancave tradicionale dhe pasigurisë ekonomike në rritje.
“Aktualisht ka 59 konflikte aktive, më shumë që nga Lufta e Dytë Botërore dhe tre më shumë se vitin e kaluar. Zgjidhja e konflikteve është në nivelin më të ulët në 50 vitet e fundit. Numri i konflikteve që përfunduan me një fitore të qartë ka rënë nga 49% në vitet 1970 në 9% në dekadën e dytë të shekullit të 21-të. Përveç kësaj, numri i konflikteve që përfunduan me marrëveshje paqeje ishte 23% në vitet 1970, ndërsa në dekadën e dytë të shekullit të 21-të ishin 4%”, tregoi Instituti për Ekonomi dhe Paqe me seli në Sidnei
U vu re se konfliktet po ndërkombëtarizohen gjithnjë e më shumë, duke e bërë zgjidhjen e tyre më të vështirë.
Konkretisht, 78 vende janë të përfshira në konflikte përtej kufijve të tyre.
E gjithë kjo ka rezultuar në përkeqësimin e nivelit global të paqes me rreth 0.36%, që është rënia e 13-të e nivelit të paqes në 17 vitet e fundit.
Sipas GPI-së, Islanda është ende vendi më paqësor në botë – ajo është renditur e para që nga viti 2008.
Ndër dhjetë vendet e para janë edhe Irlanda, Zelanda e Re, Austria, Zvicra, Singapori, Portugalia, Danimarka, Sllovenia dhe Finlanda.
Shqipëria renditet e 52-ta ndërsa Kosova e 63-ta.
Rusia është në fund të listës, në vendin e 163-të. Kjo është hera e parë që është emëruar vendi më pak paqësor në botë në këtë raport. /Telegrafi/
Nese kjo renditje behet ndershmerisht atehere Shqiperia duhet te jete ne krye te listes. Nuk mund te jene ne krye te listes shtete si Austria qe ka pushtuar gjysmen e Ballkanit dhe veriun e Italise. Ose Portugalia qe kane qene shtete kolonizatore. As Danimarka qe ka qene shtet kolonizator. Klasifikimi duhet bere edhe ne baze te pozicionit gjeografik. Psh Shqiperia eshte ne nje pozicion gjeografik qe e ben teper te lakmueshem. Fut ketu edhe fqinjet qe jane gjithmone me dhembe te fshehur gati per te kafshuar copen e rradhes nga kjo Shqiperi e mbetur. Ndersa vete Shqiperia dhe populli shqiptar kurre ne historine e tij nuk ka pushtuar ne menyre te organizuar si shtet, as ne momentet me te la disa e te ushtrise qe ka pasur. Qofte ne kohen e komunizmit, qofte edhe ne kohen e Skenderbeut. Imagjinoni qe eshte i vetmi shtet ne bote qe kufizohet me territoret e veta. Mjafton te thuhet kjo dhe vendi i pare i takon Shqiperise.