Edhe shtete neutrale si Suedia kanë nisur të dërgojnë armë dhe ndihma ushtarake drejt Ukrainës.
Në një kohë kur konflikti po avancon dita ditës, duket se shumë shpejt ai mund të kthehet në një luftë proxy mes forcave perëndimore dhe Moskës.
Deri tani, sipas raportimeve të autoriteteve ukrainase të paktën 350 civilë kanë mbetur të vrarë si pasojë e bombardimeve ruse.
Në të njëjtën kohë, Kombet e Bashkuara kanë raportuar se të paktën 368,000 ukrainas janë larguar jashtë vendit – shumica prej tyre në Poloni.
Kjo është lista e shteteve që kanë dërguar ndihma ushtarake në Ukrainë deri tani:
Shtetet e Bashkuara
Më 25 shkurt, presidenti amerikan Joe Biden instruktoi Departamentin e Shtetit të dërgonte një sasi armësh me vlerën e $350 milionë dollarëve drejt Ukrainës.
Ukraina ndërkohë po kërkon që të pajiset me armë anti-tank dhe raketa Stinger – të nevojshme për të rrëzuar avionët rusë.
Pentagoni shtoi se artileria e dërguar në Ukrainë përfshin blinde anti-tank, armë dore, veshje mbrojtëse dhe municione të ndryshme.
Gjatë vitit të shkuar, SHBA ka dedikuar më shumë se $1 miliardë dollarë për asistencë ushtarake në Ukrainë.
BE
Për herë të parë në histori, BE po financon blerjen dhe dërgimin e armëve pasi liderët europianë ranë dakord të transportojnë një sasi armësh me vlerën $509 milionë dollarë drejt Kievit.
Josep Borrell ka deklaruar gjithashtu se disa shtete europiane po dërgojnë avionë luftarakë drejt Ukrainës.
Mbretëria e Bashkuar
Që në janar, sekretari britanik i mbrojtjes Ben Wallace deklaroi se Mbretëria e Bashkuar kishte “marrë vendimin për të furnizuar Ukrainën me sisteme armatimesh mbrojtëse”.
Ditën e mërkurë, zyrtarë britanikë premtuan se do të nisnin dërgesat e sistemeve ushtarake vdekje-prurëse drejt ushtrisë ukrainase.
Franca
Franca, e cila i kishte nisur tashmë dërgesat e ndihmave ushtarake, po vazhdon të dërgojë pajisje të tjera ushtarake së bashku me naftë drejt Ukrainës.
Parisi gjithashtu pohoi se do t’i përgjigjeshin një kërkese të hershme të Ukrainës për armë anti-raketë si dhe arsenale të armëve digjitale.
Holanda
Holanda do të furnizojë Ukrainën me raketa ajrore dhe sisteme anti-tank, sipas deklaratave të qeverisë holandeze ditën e shtunë.
Gjithashtu, holandezët kanë rënë dakord të dërgojnë 200 raketa Stinger dhe 50 armë anti-tank Panzerfaust.
Gjermania
Gjermania do të furnizojë Ukrainën me 1,000 armë anti-tank dhe 500 raketa Stinger.
Kjo është një lëvizje e rëndësishme e cila hodhi poshtë politikat e ndjekura deri tani nga Berlini – të cilat ndalonin eksportin e armëve drejt zonave të konfliktit.
Kanadaja
Otava po dërgon armatime ushtarake drejt Ukrainës dhe po i jep një kredi prej $394 milionë dollarësh Kievit për vetëmbrojtje.
Suedia, Norvegjia dhe Danimarka
Suedia po shkel qëndrimin e saj historik duke dërguar 5,000 armatime anti-tank drejt Ukrainës në një kohë që Danimarka po kontribuon me rreth 2,700 të tjera.
Norvegjia gjithashtu po dërgon helmeta dhe veshje anti-plumb, si dhe rreth 2,000 armatime anti-tank M72.
Finlanda
Finlanda e cila është njohur gjithashtu historikisht për qëndrimin e saj neutral, ka furnizuar Ukrainën me rreth 1,500 raketa lëshues; 2,500 mitraloza, 150,000 seri municionesh dhe rreth 70,000 racione të ushqimit të koncentruar ushtarak.
Belgjika
Belgjika gjithashtu ka deklaruar se do të dërgojë rreth 3,000 mitraloza, 200 anti-tank dhe 3,800 ton naftë.
Portugalia
Portugalia po i dërgon Ukrainës syze me rreze infra të kuqe për shikim gjatë natës, jelek anti-plumb, helmeta, granata, municione dhe pushkë automatike G3.
Greqi
Greqia ka dërguar gjithashtu pajisje për mbrojtje ushtarake së bashku me ndihmë humanitare.
Rumania
Rumania po ofron shërbim mjekësor për njerëzit e prekur nga lufta në Ukrainë në 11 spitalet e saj ushtarake, së bashku me naftë, jelekë anti-plumb, helmeta dhe të tjera materiale ushtarake me vlerën $3.3 milionë dollarë.
Spanja
Spanja ka premtuar 20 ton ndihma për Ukrainën – shumica e të cilave janë ndihma shëndetësore dhe pajisje vetë-mbrojtjeje si jelekët anti-plumb.
Republika Çeke
Praga konfirmoi dërgimin e 4,000 mortajave drejt Ukrainës si dhe një arsenal prej 30,000 pistoletash, 7,000 mitralozash, 3,000 pushkëve dhe snajperëve së bashku me 1 milion plumba.
Kroacia
Kroacia do të dërgojë një sasi armësh dore dhe veshjesh mbrojtëse me vlerën e 16 milionë eurove./m.j
