Zbardhen gjashtë emrat e propozuar nga qeveria dhe parlamenti për Këshillin Mbikqyrës të Bankës së Shqipërisë. Emrat që qeveria i ka dërguar parlamentit për votim janë; Ridvan Bode, Suela Popa dhe Edlira Luçi. Mes tre emrave të propozuar nga qeveria tërheq vëmendjen ai i ish-ministrit të Financave në 8 vitet e qeverisë ‘Berisha’, Ridvan Bode, i cili është tërhequr nga politika aktive pas përjashtimit që i bëri kryetari i PD, Lulzim Basha nga listat e zgjedhjeve të 2017. Suela Popa është gruaja e deputetit të LSI-së, Vangjel Tavo. Ajo ka qenë drejtoreshë e Agjencisë së Zhvillimit Bujqësor dhe Rural, AZHBR-së, ndërsa Edlira Luçi është pedagoge e njohur, shefe e departamentit te Financës te Fakulteti i Ekonomisë, Universiteti i Tiranës.
Ndërkohë që tre emrat e propozuar nga parlamenti janë; deputeti i PD, Florion Mima, dekani i Juridikut Artan Hoxha dhe Arben Malaj, që propozohet për një mandat të dytë në Këshillin Mbikqyrës të Bankës së Shqipërisë. Nëse Florion Mima do të votohet nga parlamenti atëherë do i hapë rrugë kreut të PAA, Agron Duka për të hyrë në parlament, pasi është emri i katërt në listën e PD-së në qarkun e Durrësit. Emrat pritet që të votohen nga Kuvendi, ndërsa opozita e ka bojkotuar prej sesionit të ri parlamentar. Mandati i anëtarëve të Këshillit të BSH është 7 vite.
Vendimi i qeverisë me tre emrat e propozuar për Këshillin e Bankës së Shqipërisë
Sipas ligjit të Bankës së Shqipërisë, të gjithë anëtarët e Këshillit Mbikëqyrës zgjidhen dhe emërohen nga Kuvendi i Republikës së Shqipërisë, mbështetur në propozimet e bëra si më poshtë: pesë anëtarë propozohen nga Kuvendi (aktualisht vakanca është për tre); tre anëtarë propozohen nga Këshilli i Ministrave dhe një anëtar propozohet nga Këshilli Mbikëqyrës.
Deri në zgjedhjen e anëtarëve të rinj Banka e Shqipërisë ndodhet në ngërç, pasi Këshilli Mbikqyrës nuk mund të marrë vendime, njësoj si Gjykata Kushtetuese, apo Gjykata e Lartë. Në datë 21 nëntor dështoi për të dytën herë brenda 14 ditësh mbledhja normale e Këshillit Mbikqyrës të Bankës së Shqipërisë, pasi ka vetëm 3 anëtarë, ndërsa 6 të tjerëve u ka mbaruar mandati dhe që duhet të zgjidhen nga Kuvendi.
Lista emërore e aplikantëve për Këshillin Mbikqyrës të Bankës së Shqipërisë
1. ALBA QIRJAZI
2. ALBANA DHIMITRI
3. ALEKO POLO
4. ARBEN ZIBRI
5. ARJETA ABAZI
6. ARTAN CELO BORAJ
7. ARTUR RIBAJ
8. AZMI STRINGA
9. BARDHYL CEKU
10. BRUNILDA DURAJ
11. DENADA PRIFTI
12. DRINI IMAMI
13. EDLIRA LUÇI
14. ELA GOLEMI
15. ELIRA KOKONA
16. ELONA GJIKA
17. ELVIN MEKA
18. ELVIS CIBUKU
19. ELVIS PONARI
20. ELVIS ZERVA
21. ERGYS MISHA
22. ERMIR HAJDINI
23. FATMIRA KOLA
24. FLUTURA VEIPI
25. INES MUÇOSTEPA
26. INGRID BUÇKA (SHULI)
27. MAJLINDA DEMKO (GJATA)
28. NAJADA XHAXHA
29. NIKOLLAQ PANO
30. OLTION RRUMBULLAKU
31. PANDI MADHI
32. REDIH LLESHI
33. REZARTA BITRI
34. RIDVAN BODE
35. SEIMIR ELBASANI
36. SUELA POPA
37. VISAR MALAJ
38. VJOLLCA BRAHO
