Kryeministri Edi Rama ka ndarë pamje të reja nga aksioni për lirimin e hapësirave piublike, i shtrirë në të gjithë vendin prej disa muajsh.
Kësaj radhe kreu i qeverisë ka pasqyruar aksionin në Durrës, ku Lagjia 4 “është liruar dhe po i nënshtrohet rehabilitimit, për t’u vënë sërish në shërbim të qytetarëve”.
“Një hapësirë e zaptuar në Lagjen 4 është liruar dhe po i nënshtrohet rehabilitimit, për t’u vënë sërish në shërbim të qytetarëve.
Vijojmë angazhimin për t’i rikthyer komunitetit hapësirat publike të zëna në mënyrë të paligjshme, duke garantuar ambiente të hapura, funksionale dhe të aksesueshme për të gjithë”,- shkruan kryeministri në rrjetet sociale.
