Ministrja e Drejtësisë pezullon nga detyra drejtorin e Shërbimit të provës në Krujë pas lirimit të të dënuarit me burg për jetë Endrit Dokle, I njohur si ish anëtar I bandës së Durrësit.
Gjithashtu Në një deklaratë për median ministrja e Drejtësisë e quajti skandaloz vendimin e gjyqtares Enkelejda Hoxha për lirimin e Dokles.
Ministrja tha se kishte përcjellë informacione gjatë fazës së dyshimit ku paralajmëronte lirimin e të dënuarit me burg përjetë.
“Veprim skandaloz lirimi në shkelje të ligjit i të dënuarve me burgim të përjetshëm fenomen I ndodhur shpesh kohët e fundit është këmbanë alarmi për gjendjen ku ndodhet drejtësia. Ndjehem e keqardhur për këtë vendim. Kërkoj verifikim të menjëhereshëm. Sjell në kujtesë kërksën për lirimin e Genc Tafilin. E njëjta gjyqtare, e njëjta sjellje me ligjin. Kërkova hetimin e Enkelejda Hoxhës por u përballa me heshtje. Kërkojmë hetim administativ për të zbardhur të gjitha shkeljet dhe anomalitë për këtë lirim. Është pezulluar nga detyra Dr. i Shërbimit të Provës në Krujë. Ndërkohë kwrkoj qw Kuvendi të miratojë paketën anti-KÇK për masat ndaj prokurorëve dhe gjyqtarëve që shkelin ligjin. Ata duhet të përgjigjen penalisht për vendimet e tyre,” tha Gjonaj.
Gjonaj deklaroi se si rezultat i shkeljeve të konstatuara dhe se veprimet të tilla sjellin pasoja të rënda, në 18 janar i është drejtuar KLGJ për pezullimin e menjëhershëm të gjyqtares nga detyra dhe marrjen e masave të menjëhershme.
“I kam kërkuar Prokurorisë ndjekjen penale ndaj gjyqtares për vendimmarrjen abuzuive por edhe për parandalimin e fenomeneve të tilla. Po ashtu kam kërkuar përshpejtimin e vetingut ndaj gjyqtares por edhe ndaj atyre gjyqtarëve mbi të cilët rendojnë akuza për paligjshmëri dhe korrupsion”, tha Gjonaj.
Pyetjet e gazetarëve:
Pyetje: Keni kërkuar për hetim të çështjes, keni prova se Hoxha është e korruptuar?
Etilda Gjonaj: Kemi administruar njësërë dokumentash, përmbajnë fakte për shkelje penale.
Pyetje: A ka pasur ndonjë reagim asokohe pas lirimit të Genc Tafilit?
Etilda Gjonaj: Është kërkuar hetimi disiplinor nuk është marrë asnjë masë ndaj saj dhe çështja është lënë në heshtje.
g.kosovari
